Palle Fleischer
Palle Rømer Fleischer (25. oktober 1781–4. april 1851) var ein norsk offiser og eidsvollsmann.
| Palle Fleischer | |
 Palle Rømer Fleischer på eit måleri av Hedevig Lund. Måleriet tilhøyrer Eidsvoll 1814. | |
| Statsborgarskap | Noreg |
| Fødd | 25. oktober 1781 |
| Død | |
| Yrke | politikar, offiser |
| Språk | norsk |
| Palle Fleischer på Commons | |
Fleischer var fødd i Moss. I 1800 vart han fenrik ved det Norske jegerkorps, året etter sekondløytnant. Frå 1808 var han kaptein ved Norske livregiment, i 1813 kaptein og kompanisjef ved Norske jegerkorps. I 1814 vart han major i hæren og adjutant hos kronprins Karl Johan. 1815-17 overadjutant i generalstaben og underkommandant på Akershus festning. 1817 vart han oberstløytnant og sjef for gevorbne musketerkorps i 1. akershusiske brigade, oberst året etter. Generaladjutant frå 1823, generalmajor 1825 og generalløytnant i 1835. Perioden 1825-44 var han fyrsteadjutant hos kongen.
Fleischer var utsending for det Norske jegerkorps på riksforsamlinga på Eidsvoll i 1814. Han høyrde til unionspartiet, men skal ha vore varsam med uttalane sine.
I 1836 var han medlem av kommisjonen om Noregs forsvarsverk («befæstningsvesen»). Statsråd og sjef for armedepartementet 25. oktober 1837, fekk avskjed 16. november 1848 etter fleire avskjedssøknader.
Fleischer døydde i Kristiania 1851.
Kjelder
endre- Tallak Lindstøl: Stortinget og Statsraadet 1814-1914. Kristiania, 1914
Bakgrunnsstoff
endre- Biografisk informasjon om Palle Fleischer NSD Norsk senter for forskningsdatas politikararkiv