Patrick Vieira
Patrick Vieira (fødd 23. juni 1976) er ein fransk tidlegare fotballspelar, fødd i Dakar i Senegal. Midtbanespelaren Vieira vart verdsmeister for Frankrike i 1998 og europameister i 2000, dessutan fekk han VM-sølv i 2006.
 Patrick Vieira som trenar for New York City i 2016. | |||
| Personleg informasjon | |||
|---|---|---|---|
| Fødselsdato | 23. juni 1976 (47 år) | ||
| Fødestad | Dakar i Senegal | ||
| Høgd | 193 cm | ||
| Posisjon | Midtbanespelar | ||
| Klubbinformasjon | |||
Noverande lag | Nice (trenar) | ||
| Seniorkarriere* | |||
| År | Lag | Kampar | (Mål) |
| 1994-1995 | Cannes | 49 | (2) |
| 1995-1996 | Milan | 2 | (0) |
| 1996-2005 | Arsenal | 279 | (26) |
| 2005-2006 | Juventus | 31 | (5) |
| 2006-2010 | Inter | 67 | (6) |
| 2010-2011 | Manchester City | (3) | |
| Totalt | 456 | (45) | |
| Landslag | |||
| 1997-2006 | Frankrike | 107 | (6) |
| Trenar for | |||
| 2016-2018 | New York City (trenar) | ||
| 2018- | OGC Nice (trenar) | ||
| * Seniorklubbkampar og mål berre telt for nasjonal liga | |||
Karriere endre
Klubbspel endre
Vieira spelta for AS Cannes frå 1993 til -95. Etter ein mislukka 1995/96-sesong i italienske AC Milan, spelte Vieira på midtbana til engelske Arsenal F.C. frå 1996 til 2005. Gjennom dei ni sesongane vann han tre ligameisterskap og fire FA Cup-titlar med London-klubben. Han spelte i alt 279 ligakampar for Arsenal og skåra 29 ligamål. Sesongen 2005/06 spelte Vieira for italienske Juventus, ein sesong der Juventus fekk flest seriepoeng, men sidan klubben vart dømd for å ha vore involvert i kampfiksing, fråteken Serie-A-tittelen og degradert til Serie B.
Hausten 2006 fekk Vieira kontrakt med Inter i Milano og var med på å vinne italiensk seriegull i fire år på rad. Allereie før han fekk den siste italienske medaljen, hadde han vorte overført til Manchester City på seinvintren 2010. Her kom han inn som innbyttar i sluttsekundane av FA-Cupfinalen 2011, då Manchester City vann 1-0 over Stoke City. Det var han siste kamp på topplan.
Landslagsspel endre
Vieira debuterte for Frankrike i 1997. 1998-2008 var han med i samtlege seks landslagstroppar til dei seks internasjonale meisterskapane i perioden. Under fotball-VM på heimebane i 1998 kom han inn på finalelaget, som innbyttar då Frankrike slo Brasil 3-0. To år seinare var han sentral på midtbana då Frankrike vann EM-gull i Rotterdam. I 2006 var han mellom Frankrikes elleve utvalde til VM-finalen mot Italia, der han vart bytta ut tidleg i andre omgang. Vieira spelte sin 107. og siste landskamp i 2009, med til saman seks nettkjenningar for Frankrike.
Kjelder endre
- Denne artikkelen bygger på «Patrick Vieira» frå Wikipedia på engelsk, den 30. juli 2015.