Pavel Maslák

Pavel Maslák (fødd 21. februar 1991) er ein sprintar frå Havířov i Tsjekkia som vart europameister på 400 meter i Helsinki i 2012 og vann sølvmedaljen på distansen i EM 2016.

Pavel Maslák
Statsborgarskap	Tsjekkia
Fødd	21. februar 1991 (33 år) Havířov
Idrett	friidrett
Tok del i	Sommar-OL 2012, Friidrett under Sommar-OL 2016

Aktiv

Sommaren 2012 sletta Maslák den 33 år gamle tsjekkiske rekorden på 400 meter, fyrst presterte han 45,31 sekundar og sidan 45,17. I EM-finalen i Helsinki sprang Maslák i mål på tida 45,24 og til ein klar siger på distansen. Seks veker seinare forbetra han under dei olympiske leikane i London den nasjonale rekorden til 44,91 i forsøket. I semifinalen fekk han notert 45,15 og var ute av tevlinga. Han avslutta sesongen med 20,59 og tsjekkisk rekord på 200 meter.

I 2013 tok Maslák seg til finalen på 400 m ved VM i Moskva, der han vart femtemann på 44,91, tangering av landsrekorden. Den 9. mai 2014 forbetra han 400-meterrekorden til 44,79 sekundar ved eit stemne i Doha i Qatar.

Pavel Maslák I 2015

OL-sesongen 2016 kom Maslák på andreplass på 400 m ved EM i Amsterdam. Under OL i Rio de Janeiro var han med 45,06 sekundar sjanselaus i striden om finaleplass på distansen. Også i London-VM 2017 og Berlin-EM 2018 stoppa 400-meterstevlinga i semifinalane for hans del. Den 11. juni 2017 i heimelege Třinec flytta Maslák den nasjonale rekorden på 200 meter til 20,46 sekundar.

Maslák har vunne 400-meteren i tre hall-EM (2013, 2015, 2017) og to hall-VM (2014 og 2016), alle saman tevlingar med lita deltaking frå dei aller beste på distansen.

Medaljar og plasseringar i internasjonale meisterskap

• VM 2011 i Daegu: Utslått i semifinalane på 200 m (20,87=nr 14)
• EM 2012 i Helsinki: Gullmedalje på 400 m – 45,24, framom Marcell Deák Nagy (45,52)
• OL 2012 i London: Utslått i semifinalane på 400 m (45,15 =nr 12), og i forsøka på 200 m (20,67 =nr 27)
• VM 2013 i Moskva: Nr 5 på 400 m – 44,91
• VM 2015 i Beijing: Utslått i forsøket på 400 m (45,16=nr 22)
• EM 2016 i Amsterdam: Sølvmedalje på 400 m – 45,36, bakom Martyn Rooney (45,29)
• OL 2016 i Rio de Janeiro: Utslått i semifinalane på 400 m (45,06 =nr 15)
• VM 2017 i London: Utslått i semifinalane på 400 m (45,24 =nr 17)
• EM 2018 i Berlin: Utslått i semifinalane på 400 m (45,59 =nr 16)
• OL i 2021 i Tokyo: Utslått i kvalifiseringa på 400 m (47,01=nr 40), utslått i 4 x 400 m stafett
• VM 2022 i Eugene: Nr 8 i 4 x 400 m stafett
• EM 2022 i München: Nr 7 i 4 x 400 m stafett, utslått i semifinalane på 400 m (46,36=nr 20)
• VM 2023 i Budapest: Utslått i 4 x 400 m stafett
• EM 2024 i Roma: Utslått i kvalifiseringa på 400 m og på 4 x 400 m stafett

Kjelder

• Denne artikkelen bygger på «Pavel Maslák» frå Wikipedia på engelsk, den 5. september 2019.

• «Pavel Maslák» (på engelsk). Olympedia. Henta 16. mars 2023.