Peder Sjursen
Peder Nicolai Sjursen (1. oktober 1858–3. august 1915) var ein lege, gardbrukar og stortingsmann frå Eigersund. Han representerte Venstre på Stortinget.
| Peder Sjursen | |||
| Fødd | 1. oktober 1858 Egersund | ||
|---|---|---|---|
| Død | 3. august 1915 (56 år) | ||
| Statsborgar av | Noreg | ||
| Parti | Venstre | ||
| Yrke | lege, politikar | ||
| Alle verv |
| ||
Far til Sjursen var handelsreisande. Sjølv gjekk han skulevegen, vart student frå Qvams skule i 1875, og avla eksamen som reserveoffiser i 1879. I 1885 vart han cand. med. og tok til som kommunelege i Våler i Hedmark. I 1909 vart han distriktslege for Sør-Østerdal.
Sjursen kjøpte og busette seg i 1898 på garden Lønnerud i Våler. Han var medlem av heradsstyret i Våler frå 1895 og vart ordførar i heradet i 1905. Elles hadde han ei mengd verv som politikar og som yrkesmann.
På Stortinget representerte Sjursen Hedmark i perioden 1900-03 og einmannskrinsen Solør i 1906-09. I den fyrste bolken var han medlem av militærkomiteen, i den andre av Lagtinget og jarnbanekomiteen. Han var i 1906 utsending frå Hedmark amt ved kongekroninga i Trondheim.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914