St. Peter og St. Paul-øyene
St. Peter og St. Paul-øyene er ei gruppe av 15 små øyer og skjer i Nord-Atlanteren som høyrer til Brasil. Det totale arealet til øyene er om lag 17 mål, og største høgd over havet er 18 meter. Dei ligg i den intertropiske konvergenssona, eit område med kraftige vindar, 100 kilomter nord for ekvator og om lag 1000 kilometer nordaust for Natal. Dei ligg også nær Den midtatlantiske ryggen.
| St. Peter og St. Paul-øyene Arquipélago de São Pedro e São Paulo | |||
| øy | |||
 Fyrtårn og forskingsstasjon på St. Peter og St. Paul-øyene
| |||
| Land |  Brasil
| ||
|---|---|---|---|
| Region | Nordeste | ||
| Stad | Atlanterhavet | ||
| Folketal | 4[1] | ||
 St. Peter og St. Paul-øyene 0°55′01″N 29°20′45″W / 0.91694444444444°N 29.345833333333°W | |||
| Wikimedia Commons: Arquipélago de São Pedro e São Paulo | |||
Dette er den einaste staden på jorda der den abyssale mantelen er eksponert over havoverflata.[2]
Øygruppa blei oppdaga i 1511 av ein portugisisk marineflåte som var på veg til India.
I 1986 blei øygruppa utpeikt til verneområde.[3] Sidan 1998 har den brasilianske marinen operert ein permanent bemanna forskingsstasjon på øyene.[1]
1. juni 2009 blei Air France Flight 447, ein Airbus A330-200 på veg frå Rio de Janeiro til Paris, rapportert savna og anteke å ha havarert utanfor kysten av Fernando de Noronha. Delar av flyet blei funne nær St. Peter og St. Paul-øyene.[4]
Kjelder
endre- ↑ 1,0 1,1 (pt) Programa Arquipélago Arkivert 2020-04-22 ved Wayback Machine. Den brasilske marinen.
- ↑ Saint Peter and Saint Paul’s Archipelago Arkivert 2007-09-29 ved Wayback Machine. Campos, T.F.C.; Virgens Neto, J.; Srivastava, N.K.; Petta, R.A.; Harmann, L.A.; Moraes, J.F.S.; Mendes, L.; Silveira, S.R.M.
- ↑ Decree 92755 of 5 June 1986 Arkivert 2012-02-17 ved Wayback Machine. Library of Congress. Retrieved on 2009-07-16.
- ↑ Air France Flight 447 CNN
- Denne artikkelen bygger på «St. Peter og St. Paul-øyene» frå Wikipedia på bokmål, den 2. april 2019.