Peter Johannessen Østenby

Peter Johannessen Østenby (1791–28. februar 1876) var ein norsk gardbrukar, stortingsmann og ordførar frå Rødenes i Østfold.

Peter Johannessen Østenby
Fødd	1791 Rødenes kommune
Død	28. februar 1876 (84 år)
Statsborgar av	Noreg
Yrke	bonde, politikar
Alle verv	stortingsrepresentant (1836–1838) ordførar i Marker vararepresentant til Stortinget (1842–1844) vararepresentant til Stortinget (1845–1847) vararepresentant til Stortinget (1848–1850) vararepresentant til Stortinget (1851–1853)

Karriere

Østenby var son til ein gardbrukar i Rødenes. Han tok i si tid over farsgarden og dreiv denne. Åra 1847–1861 budde han på Ågård i Eidsberg, flytta så til Glemmen. Der budde han i to år, då flytta han tilbake til Eidsberg. Mellom 1838 og 1854 var Østenby ordførar i heradsstyret i Rødenes. Han var òg medlem av forlikskommisjonen.

Østenby var 2. representant frå Smaalenenes amt på Stortinget 1836 og omframstortinget 1836–1837. Han var medlem av justiskomiteen. Til stortinga 1842–1851 var han frå 4. til 1. varamann for same valkrinsen.

Østenby døydde på Hallingstorp i Eidsberg i 1876.

Kjelder

• Lindstøl, Tallak: Stortinget og Statsraadet 1814-1914. Kristiania, 1914.