Provinsen Groningen
Groningen (groningsk Grönnen) er den nordaustlegaste provinsen i Nederland. I aust grenser han til Tyskland og delstaten Niedersachsen, i sør til Drenthe, i vest til Friesland og i nord til Vadehavet. Groningen er stort sett ein jordbruksprovins og har store naturgassfelt nær Slochteren. Aust-Groningen var åstad for ein hard klassekamp på 1800- og 1900-talet, og Groningen har òg den einaste kommunen (Beerta) der det nederlandske kommunistpartiet har hatt ein borgarmeister. Administrasjonsstad i provinsen er byen Groningen.
Provincie Groningen Provinsen Groningen | |||||
| |||||
![]() | |||||
Hovudstad | Groningen | ||||
Dronninga sin kommissær | René Paas (CDA) | ||||
Religion (1999) | protestant 29% romersk-katolsk 7% | ||||
Areal • Land • Vatn |
2 336 km² (8.) 623 km² | ||||
Folketal (2006) • Totalt • Folketettleik |
574 042 (9.) 246/km² (9.) | ||||
Hymne | «Grunnens Laid» | ||||
Offisiell nettstad | www.provinciegroningen.nl |
HistorieEndra
Opphavleg var provinsen del av Friesland og vart så ein del av Frankarriket rundt 785. Karl den store let Ludger ta styringa over kristninga av dette området. På 1000-talet var byen Groningen ein landsby i Drenthe som var underlagt biskopen av Utrecht, medan det meste av provinsen var underlagt bispedømet Münster. I mellomalderen var sentralmakta langt under og Groningen fungerte som ein bystat og hadde stor påverknad på det omliggande Ommelanden. Rundt 1500 gav Maximilian I av Det tysk-romerske riket Groningen og Friesland til Albert av Sachsen, som aldri klarte å opprette permanent kontroll. I 1514/15 kom Groningen under hertugdømet Geldern, og i 1536 under Habsburgsk Nederland. I 1594 vart Groningen erobra av Dei sameinte Nederlanda og vart verande ein del av denne nasjonen etter dette.
KommunarEndra
KjelderEndra
- Denne artikkelen bygger på «Groningen (province)» frå Wikipedia på engelsk, den 13. februar 2008.