Rùm
Rùm (eit skotsk-gælisk namn som ofte vert anglisert til Rum, mogleg frå norrønt Romey) er ei øy i Small Isles i Indre Hebridane i Skottland. Gjennom det meste av 1900-talet heitte øya Rhum, ei staving som den tidlegare eigaren Sir George Bullough kom på, fordi han ikkje likte tittelen «godseigar av Rum».
| Rùm Lokalt namn ⓘ | |
|---|---|
 Kinloch på Rum, sett frå sør. Foto: Anne Burgess
| |
| Geografi | |
  | |
| Stad | Atlanterhavet |
| Koordinatar | 56°59′38″N 6°20′38″W / 56.994°N 6.344°W |
| Øygruppe | Indre Hebridane
|
| Areal | 104,63 km²
|
| Høgaste punkt | Askival (812 moh.)
|
| Administrasjon | |
| Land | Skottland |
| Region | Highland |
| Største busetnad | Kinloch
|
| Demografi | |
| Folketal | 22 (2001) |
| Folketettleik | 0,2 /km² |
Ho er den største av Small Isles og den femtande største i Skottland, men er berre busett av om lag 30 innbyggjarar. Alle desse bur i landsbyen Kinloch på austsida. Øya har vore busett sidan 7000-talet f.Kr. og er ein av dei tidlegaste busetnadane ein kjenner til i Skottland. Dei tidlege keltiske og norske busetjarane etterlet seg berre få skriftlege kjelder og gjenstandar. Frå 1100- til 1200-talet vart øya underlagt forskjellige klanar, mellom anna MacLean-klanen frå Coll. Folketalet voks til over 400 seint på 1700-talet, men under Highland clearances vart folketalet kraftig redusert mellom 1826 og 1828. Øya vart så ein jaktområde og det eksotiske Kinloch Castle vart bygt av Bullough-familien i 1900. Rùm vart kjøpt av Nature Conservancy Council i 1957.
Apr2006.jpg)
Rum er av vulkansk opphav og fjella vart erodert ned under isbreane i pleistocen. Han er i dag ein viktig stad for økologiforsking, særleg på rådyr, og ein har med suksess redda havørnbestanden på øya. Økonomien er heilt avhengig av Scottish Natural Heritage, eit offentleg organ som i dag styrer øya. Det går båtsamband frå øya til fastlandsbyen Mallaig.