Ragnhild Fausa
Ragnhild Jenny Fausa (fødd 12. mars 1962) er ein norsk tidlegare handballspelar og seinare offentleg byråkrat frå Stranda på Sunnmøre.
| Ragnhild Fausa | |
| Statsborgarskap | Noreg |
| Fødd | 12. mars 1962 (62 år) |
Fausa spelte på Stranda Idrottslag sitt handball-lag til 1983. Ho melde seg då inn i Sverresborg IF. Med laget frå Trondheim vart ho norsk meister i 1983 og 1984, i dei to finalane skåra ho høvesvis 3 og 6 mål. Saman med folk som Ingrid Steen, Britt Johansen, Hanne Hogness, Anne Berg Larssen og Karin Singstad syrgde ho for at Sverresborg våren 1986 stod att som seriemeister i handball, for fyrste og einaste gong i lagssoga. Sesongen 1988/89 gjorde Fausa teneste i tyske Bayer Leverkusen. Ho vende sidan tilbake til Sverresborg, før ho 1990-92 til sist var aktiv spelande trenar på andredivisjonslaget Stjørdals-Blink.
Fausa deltok åra 1985 og -86 i 40 av Noregs landskampar, skåra 65 mål.
Fausa bur i Kristiansund, der ho har vore leiar av NAV-kontoret.
Kjelder
endre- Trondheim håndballkrets i skuddet: jubileumsberetning 1945-1995.
- handball.no