Richard Parkes Bonington

Richard Parkes Bonington (25. oktober 1802–23. september 1828) var ein britisk kunstmålar som arbeidde i Frankrike. Han var ein dei fremste britiske landskapsmålarane under romantikken.

Richard Parkes Bonington
Statsborgarskap	Storbritannia
Fødd	25. oktober 1802 Arnold
Død	23. september 1828 (25 år) London
Yrke	kunstmålar, litograf
Språk	engelsk
Richard Parkes Bonington på Commons

Scene i Normandie, 1823

Ved Adriahavskysten, ca 1824

Liv og gjerning

Bonington kom tidleg til Paris og vart elev ved Antoine-Jean Gros sitt atelier. Han vart kjend med Eugène Delacroix og vart påverka av denne, men utdanna seg til landskapsmålar på eiga hand. Saman med John Constable vekte han stor merksemd på utstillingar i Paris i 1822 og 1824 med to bilete med motiv frå Normandie. Gjennom sine friske, lyse fargetonar og fint avmålte landskapskunst vart han ein banebrytar for det intime landskapsmåleriet i Frankrike, og ein forgjengar til Barbizon-skulen.

Boningtons bilete, fremst landskap i olje og akvarell, har motiv frå Frankrike, Storbritannia og Venezia. Han laga også mange historiemåleri, med både mellomalderske og orientalske motiv, og dessutan portrett. Alt saman utført med stor teknisk briljans. Bonington var også ein framifrå litograf.

Han døydde av tuberkulose i London i 1828.

Bakgrunnsstoff

Commons har multimedium som gjeld: Richard Parkes Bonington

Kjelder

Aschehougs kunsthistorie. Bind 4 Kunstleksikon

• Denne artikkelen bygger på «Richard Parkes Bonington» frå Wikipedia på svensk, den 13. mars 2012.