Rindal
Rindal er ein tettstad og administrasjonssenteret i Rindal kommune i Trøndelag. Tettstaden ligg ved fylkesveg 340 vest for Igltjønna, like aust for elvemøtet mellom Surna og bielva Rinda. Rindal er den einaste tettstaden i kommunen og har 699 innbyggjarar per 1. januar 2017.
Rindal | |||
tettstad | |||
Land | ![]() | ||
---|---|---|---|
Fylke | Trøndelag | ||
Kommune | Rindal | ||
Areal | 0,84 km² | ||
Folketal | 699 (2017) | ||
Folketettleik | 832 / km² | ||
Postnummer | 6657 RINDAL | ||
Innbyggjarnamn | rindaling | ||
Preposisjon | i Rindal | ||
![]() Rindal |
Tettstaden Rindal består av sjølve sentrum og buområda Brandhaugen, Vestre, Nordre, Gjøåbakken og Kirklandet. Tettstaden har atskilleg trevare- og næringsmiddelindustri. På torget i sentrum står ein statue av den gamle verdsmeisteren i langrenn og kombinert, Sigurd Røen. I sentrum står også fleirbrukshuset Rindalshuset med mellom anna idrettshall, styrkerom, klatrevegg, basseng, kinosal og bibliotek. I nærleiken ligg Rindal barne- og ungdomsskole, Rindal barnehage, Rindal bygdemuseum og ein grusbane. Sør for tettstaden står Rindal kyrkje, ei langkyrkje i tre frå 1874.[1]
Sjå òg Endra
Kjelder Endra
- ↑ «Rindal – tettstedet». Store norske leksikon. 11. desember 2015. Henta 21. april 2018.
Bakgrunnsstoff Endra
- Trollheimsporten – Informasjon om Rindal