Risør kyrkje
Risør kyrkje er ei krosskyrkje i Risør kommune i Agder.
| Risør kyrkje | |||
| kyrkje | |||
 Risør kyrkje
Foto: Christian Ellingsgård | |||
| Kyrkjesamfunn | Den norske kyrkja | ||
|---|---|---|---|
| Bispedøme | Agder og Telemark | ||
| Prosti | Aust-Nedenes | ||
| Sokn | Risør | ||
| Fellesråd | Risør | ||
| Type | krosskyrkje | ||
| Teknikk | lafteverk | ||
| Material | tre | ||
| Innvigd | 1647 | ||
| • Endringar | Rest. 1721, 1733, 1739, 1848, 1855, 1880, 1928, 2005–06 | ||
| Klokker | 2, Jacob Rendler, 1751 | ||
| Kyrkjegard | Nedlagt | ||
| Preikestol | Christopher Ridder | ||
| Døypefont | Torsten Hoff, 1753 | ||
| Altartavle | Ramme av Christopher Ridder, nattverdsbilete måla av Rubens-elev | ||
| Orgel | Jan Erik Spigseth 1985 (omintonert av Bruno Christensen 2005) | ||
| Sitjeplassar | 450 | ||
 Risør kyrkje 58°43′17″N 9°13′50″E / 58.7214239°N 9.2306914°E | |||
| Wikimedia Commons: Risør kirke | |||
Kyrkja vart innvigd som Den hellige ånds kirke i 1647. Ho var i byrjinga prega av barokk stil, men endra i løpet av 1700-talet karakter til rokokko gjennom ei rekkje ombyggingar og ominnreiingar. Tårnet er frå 1733 og sakristiet frå 1739. Også på 1800-talet vart det uført mykje arbeid i kyrkja, og interiøret slik det no framstår, er eit resultat av ei restaurering i 1928. Kyrkja er freda.
Kyrkjerommet er stemningsfullt med sine galleri og lukka stolar, med måleri på himlingen og galleribrystningane. Risør kyrkje står som eit minnesmerke over ei anna tid og er ei populær konsertkyrkje, ikkje minst under Risør kammermusikkfest.
På kyrkjegarden attmed kyrkja finn ein nokre gamle gravminne, men kyrkjegarden for Risør by er ved kapellet, nokre hundre meter frå kyrkja.
Kjelder
endre- Storsletten, Ola; Havran, Jiri (2008). «Risør kirke». Kirker i Norge, bind 5: Etter reformasjonen. 1600-tallet. Oslo: ARFO. s. 188-193. ISBN 978-82-91399-15-7.
- Meum, Steen, red. (1947). Den Hellig Ånds kirke i Risør 1647-1947. Risør.
- Nenseter, Bjarne (1992). «Risør kirke». På kirkevandring i Aust-Agder. Arendal: Kilden forlag. s. 46-47. ISBN 82-7627-003-4.
- Kyrkjesøk
Bakgrunnsstoff
endre- Risør kyrkjelege fellesråd Arkivert 2014-02-02 ved Wayback Machine.
- Agderkultur
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 479. ISBN 82-7527-022-7.
- Risør kyrkje i kulturminnesok.no, nettstaden til Riksantikvaren