Rivertonklubben

Rivertonklubben er ei norsk foreining stifta i 1972 som har som formål å arbeida for fremjing av den gode kriminallitteraturen i Noreg. Klubben skal fungera som eit fagleg fellesskap for forfattarar, redaktørar, litteraturforskarar og andre som har ei yrkesmessig tilknyting til kriminallitteratur. Klubben har namn etter forfattaren Sven Elvestad, som også signerte med namna Kristian F. Biller, Knut Gribb, Asbjørn Krag og Stein Riverton.

Rivertonklubben
Type	forening/lag/innretning
Org.nummer	995234688
Skipa	12. juni 1972
Leiar	Trude Teige
Nettstad	https://rivertonklubben.no

Sidan 1973 har Rivertonklubben delt ut den kriminallitterære Rivertonprisen. Den fyrste vinnaren var Sigrun Krokvik, for beste norske krimroman utgjeven i 1972, Bortreist på ubestemt tid. Seinare har ein delt ut prisen årleg, bortsett frå i 1977 og 1984

Sidan 2007 har Rivertonklubben disponert eit eige rom i Litteraturhuset i Oslo, det såkalla Rivertonrommet. Her finst klubben si samling av kriminallitteratur, den såkalla Rivertonsamlingen, og ei påbyrja samling som skal omfatta all norsk kriminallitteratur. Rommet kan òg disponerast til styre- og medlemsmøte for Rivertonklubben.

I 2017 hadde Rivertonklubben kring 150 medlemmer.

Presidentar i Rivertonklubben

1. Gerd Nyquist (1972–1977)
2. Nils Nordberg (1977–1983)
3. Sigurd B. Hennum (1983–1985)
4. Nils Nordberg (1985–2001)
5. Anne Holt (2001–2003)
6. Jon Michelet (2003–2009)
7. Hans H. Skei (2009–2015)
8. Tom Egeland (2015–2019)
9. Trude Teige (2019)

Sjå òg

• Rivertonprisen

Kjelder

• Denne artikkelen bygger på «Rivertonklubben» frå Wikipedia på bokmål, den 27. mars 2023.

Bakgrunnsstoff

• Rivertonklubbens nettstad: http://www.rivertonklubben.no
• Ny revolverpresident i gammel krimklubb. Om historia til Rivertonklubben og Rivertonprisen, Dagbladet 28.03.2001