Rutle i Hyllestad
Rutle er ein matrikkelgard i Hyllestad kommune i Sogn og Fjordane fylke. Garden har matrikkelnummer 10.[2][3]
| Rutle | |||
| stad | |||
| Land |  Noreg
| ||
|---|---|---|---|
| Fylke | Sogn og Fjordane | ||
| Kommune | Hyllestad | ||
| Postnummer | 6958 SØRBØVÅG[1] | ||
| Gardnummer | 10[2][3] | ||
| Ferdselsårer | Kommunal veg til Fv65[4] | ||
Geografi
endreRutle ligg på begge sidene av Rutlevatnet, austom Bjørnestad. I aust grensar garden til Teigenes og i sør til Eide, Ytre Gil, Indre Gil og Sørbø i Åfjorden.[3]
Historie
endreRutle er truleg den fyrste garden i Skifjorden som fekk fast busetnad, og han er ein av dei eldste i Hyllestad.[3]
Garden låg under Munkeliv kloster i mellomalderen og er nemnt i Bjørgvin kalvskinn[5]. Etter reformasjonen var Rutle kongegods før garden kom i eiga til ymse embetsmannslekter frå 1660-åra. Bruk 1 var sjølveigande i 1805, medan bruk 2 vart det i 1852.[3]
Nabogardane Teigenes og Teige vart skilde ut frå Rutle mellom 1567 og 1590.[3]
Namnet
endreRutle kan tyde «noko som har glede ut», det vil seie at stein eller jord har glede ut.[3] I kjeldene er namnet skrive «Rutlauotn» (DN. XII 160, 1427) «Rwtlawatn» (DN. XII 202 1463), «Rudlauothn» (DN. XII 232 c. 1490), «Rylle» (NRJ. II 140), «Rottle» (1563), «Ruttle» (1567), «Rudtle» (1603 og 1608), «Ruttle» (1667) og «Rutle» (1723).[6][7]
Rutle er brukt som gardsnamn tre andre stader i landet.
Statens kartverk godkjende skrivemåten «Rutle» i 1986.[8]
Gardsnamnet vert også brukt som slektsnamn.
Sjå òg
endreKjelder
endre- ↑ «Postnummerkart på nettstaden til Posten». Vitja 27. november 2010
- ↑ 2,0 2,1 «Gardsleksikon på nettstaden til Sogn og Fjordane Fylkesarkiv». Vitja 27. november 2010
- ↑ 3,0 3,1 3,2 3,3 3,4 3,5 3,6 Inger Kellmer (1990). «Rutle : Gnr. 10». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 92. ISBN 8299219817.
- ↑ «Nettstaden visveg.no (Statens vegvesen)». Vitja 27. november 2010
- ↑ «Björgynjar Kálfskinn».
- ↑ «Oluf Rygh: «Rutle» i Norske Gaardnavne på nettstaden til Sogn og Fjordane Fylkesarkiv».
- ↑ «Oluf Rygh: «Rutle» i Norske Gaardnavne».
- ↑ «yr.no». Vitja 27. november 2010
Vidare lesnad
endre- Inger Kellmer (1990). «Rutle : Gnr. 10». I Finn Borgen Førsund. Hyllestad bygdebok : Soga om folket I. Hyllestad: Hyllestad kommune. s. 92-100. ISBN 8299219817.