SKRUK

SKRUK er eit kor basert på Sunnmøre som i over 30 år har vorte dirigert av Per Oddvar Hildre.

SKRUK
Frå konsert i Hjørundfjord kyrkje i august 2017. Dirigent Per Oddvar Hildre til høgre.
Aktiv	1973-
Sjanger	kristen musikl norsk folkemusikk spirituals verdsmusikk jazz
Plateselskap	Kirkelig Kulturverksted
Medlemmer	Per Oddvar Hildre (dirigent)

SKRUK har sidan starten i 1973 gjeve ut over 25 album. Flesteparten er utgjevne på Kirkelig Kulturverksted. Koret sine rundt 45 songarar er spreidde over heile landet og møtest for øving og konsertar i løpet av året.

Koret har blitt nominert til Spellemannsprisen tre gonger.

Samarbeidsprosjekt

SKRUK har gjennomført mange spanande samarbeid med andre musikarar. I 1978 gav koret ut plata Av moll er du komen - til dur skal du bli der dei bearbeidde norske religiøse folketonar i samarbeid med Henning Sommerro og gruppa Vårsøg. Vidare kom plata Kvite som negrar ut i samarbeid med Ytre Suløens Jazzensemble ut i 1981.

Koret har også gjeve ut platene Smykker fra bedehuset (1979) og Klenodier (1985) der gamle bedehussongar vart arrangerte for SKRUK av etablerte komponistar som Knut Nystedt, Trond Kverno, Per Inge Almås og Harald Herresthal. Koret heldt òg konsertar med stoff frå desse platene.

I 1990 kom cd-en Slipp mine fløyter fri ut i samarbeid med den ecuadorianske gruppa Altiplano. Plata bar preg av både norsk og sør-amerikansk musikk. I eit samarbeid med komponistane Siyavoush Kerimi og Galib Mamedov frå Aserbajdsjan, og med tekstar av Erik Hillestad, kom Landet vi kommer fra med aserbadsjansk musikk i 1997.

Diskografi (utval)

• SKRUK (1977)
• Av moll er du komen - til dur skal du bli (1978) med Vårsøg
• Smykker fra bedehuset (1979)
• Kvite som negrar (1981) med Ytre Suløens Jassensemble
• Hallelujazz (1984) med Ytre Suløens Jassensemble
• Klenodier (1985)
• Living gospel (1989) med The New Orleans Gospel Choir
• Slipp mine fløyter fri (1990)
• Stille natt (1991)
• Landskap av stemmer (1992)
• Misa Andina (1993) med Altiplano
• En for alle (1995)
• Landet vi kommer fra (1997)
• Stjernen ledet vise menn (1998)
• Vuelo libre (2000) med Susana Pena
• På nytt (2002)
• Stjerna fra øst (2002)
• Krybberom (2003)
• Sommerlandet (2004)
• Brazzy Voices (2004) med The Brazz Brothers mfl.
• Dype stille sterke milde (2006) med Nymark Collective
• Messe for Kari og Ola - Misa Campesina (2008) med Katia Cardenal
• Starry crowns in Heaven (2009)
• Til alle tider (2010)
• I vinens speil (2010) med Mahsa Vahdat
• Sangen fra katakombene (2013)
• Høgtidsrom (2014) med Beate S. Lech

Bakgrunnsstoff

• SKRUK si heimeside
• Mange av SKRUK sine cd-ar hjå Kirkelig Kulturverksted.