Wikipedia

Saara Aalto

Saara Sofia Aalto (fødd 2. mai 1987 i Uleåsalo[1]) er ein finsk songar og stemmeskodespelar. Aalto vart landskjend i Finland i 2007 då ho kom på andreplass i Talent Suomi, og i 2012 då ho kom på andreplass i The Voice of Finland.[2][3] Sidan har Aalto delteke i fleire talenttevlingar, og i 2016 vart ho kjent i Storbritannia då ho kom på andreplass i britiske X Factor med Sharon Osbourne som mentor. Ho er ein av Finlands mest kjende songarar og vart i 2016 kåra til årets finske person. Aalto representerte Finland i Eurovision Song Contest 2018 med songen «Monsters».[4]

Saara Aalto

Statsborgarskap Finland
Fødd 2. mai 1987 (36 år)
Oulunsalo
Yrke songar, songar-låtskrivar, stemmeskodespelar
Språk finsk, engelsk, kinesisk
Nettstad https://www.saaraaalto.com/
Saara Aalto på Commons

Bakgrunn endre

Aalto vaks opp i ein musikalsk familie i Uleåsalo i Finland, og ho skreiv sin fyrste song allereie som femåring.[5][6] Som barn og ungdom deltok ho i fleire lokale songfestivalar for barn, og i 2003 vann ho Charlotte Church internasjonale syngetevling i USA med ein eigenkomponert song.[7] Vidare representerte ho Finland i Golden Stag International Song Contest i Romania i 2004.

Aalto var elev ved Madetoja vidaregåande skule for musikk, der ho vart uteksaminert i 2005. Deretter flytta ho til Helsingfors for å studere musikk ved Sibelius-akademiet og song ved Helsingfors-konservatoriet for pop og jazz.[8] I 2006–2007 deltok Aalto i det TV-sende talentshowet Talent Suomi – tilsvarande Norske talentar, der ho enda på andreplass. Ein ny andreplass følgde i talentshowet The Voice of Finland i 2012. Aalto har òg delteke med eigenkomponerte bidrag i den finske uttakinga til Eurovision Song Contest to gongar: I 2011 med «Blessed with Love» og i 2016 med «No Fear» – begge gongene enda ho på ein andreplass.

Ein ny andreplass følgde i 2016, då Aalto deltok i sesong 13 av det britiske talentshowet The X Factor på ITV. Det var ynsket om ein internasjonal karriere som gjorde at ho melde seg på til audition i tevlinga.[9][10][11] I tevlinga fekk Aalto Sharon Osbourne som mentor og kom inn som eit sokalla wildcard. Under direktesendingane var ho tre gongar blant deltakarane med færrast sjåarstemmar, men utover i The X Factor fekk ho stadig større støtte frå sjåarane. Aalto vann òg den åttande og niande direktesendinga, og ho nådde finalen der ho kom på ein andreplass bak Matt Terry.[12]

Deltakinga i den britiske The X Factor gjorde Aalto landskjend i Storbritannia og førte til fornya interesse i heimlandet Finland. Kvar fjerde finne følgde den britiske The X Factor-finalen, og ho var den mest googla personen i Finland i 2016.[13][14][15] Tabloidavisen Iltalehtis lesarar røysta fram Saara Aalto som Årets finske person i 2016.[16] Etter andreplassen fekk ho òg platekontrakt med Sony Music i Storbritannia og Finland, men gjekk hausten 2017 over til Warner Music Group på grunn av misnøye med Sony-kontrakten. I 2018 var Aalto ein av dommarane i den andre sesongen av X Factor Suomi.

I november 2017 valde den finske kringkastaren Yle Aalto til å representere Finland i Eurovision Song Contest 2018 i Lisboa i Portugal.[4] Aalto deltok med låten «Monsters» som enda nest sist i finalen laurdag 12. mai.[17]

Anna endre

Parallelt med artistkarrieren har Aalto òg gjort karriere som stemmeskodespelar, og ho har dubba ei rekkje rollar i teiknefilmar og tv-seriar. Blant anna hadde ho stemmen til Prinsesse Anna i den finske versjonen av Disney-filmen Frost.

Aalto har òg sunge duett og halde konsertar med ei rekkje kjende artistar som Adam Lambert, Andrea Bocelli, José Carreras og pianisten Robert Wells.[18][19][20] Ho har òg gjeve ut fem album på sitt eige plateselskap Yume Records.[21]

Aalto er ope lesbisk og forlova med Meri Sopanen, som også er manageren hennar.[22].

Kjelder endre

  1. ↑ «Saara Aalto kärsii kanssakilpailijoiden käytöksestä: "Ihan käsittämätöntä!"». Anna.fi (på finsk). 11. oktober 2016. 
  2. ↑ Walsh, S.M. (10. desember 2016). «Saara Aalto, ‘X Factor UK’: 5 Fast Facts You Need to Know». Heavy.com (på engelsk). 
  3. ↑ «Saara Aalto» (på engelsk). Arkivert frå originalen 16. februar 2017. Henta 27. januar 2018. 
  4. ↑ 4,0 4,1 «X Factor’s Saara Aalto to represent home country Finland in Eurovision 2018». The Sun (på engelsk). 7. november 2017. 
  5. ↑ Juha Sutela (14. oktober 2002). «Unohtumaton ilta Olgan kunniaksi». kaleva.fi. Henta 8. mars 2017. 
  6. ↑ Kimmo Pihlajamaa, Yrjö Mikkonen og Sari Hourula. «Oulun musiikkielämän grand old lady». kaleva.fi. Henta 8. mars 2017. 
  7. ↑ Saara Aalto (8. mars 2016). «I wanted to learn to sing like Charlotte Church». facebook. Henta 12. mars 2017. 
  8. ↑ «Saara Aalto | Biography & History | AllMusic». Henta 27. januar 2018. 
  9. ↑ Josh Darvill (7. mars 2017). «X Factor's Saara Aalto says the UK is her 'new home' as performs on live tour». tellymix.co.uk. Henta 7. mars 2017. 
  10. ↑ kari (17. desember 2016). «This is the reason why Saara wanted to go to X Factor in England. Saara wants to sing English music and her goal is to achieve international musical success what she has always dreamed of.». Henta 7. mars 2017. 
  11. ↑ «The girl band that changed my life was Spice Girls. When I was 10 years old I saw Spice Girls. Then I called my friend and was like - we need to have a band. That's how I started to compose and sing in English.». X Factor. 5. november 2016. Henta 7. mars 2017. 
  12. ↑ «The X Factor 2016 live final: Can Saara Aalto beat Matt Terry?». Henta 11. desember 2016. 
  13. ↑ «Joka neljäs suomalainen katsoi Saara Aallon finaalitaistelua X Factorissa». hs.fi. 11. desember 2016. Henta 19. februar 2017. 
  14. ↑ «25 % of Finns (1,324,000) watched @saaraalto and @TheXFactor on Sunday evening. @subsuomi #XFactor #xfactorfinal». finnpanel.fi. 11. desember 2016. Henta 19. februar 2017. 
  15. ↑ David Johnson, Megan McCluskey (22. desember 2016). «See the Most Googled Person in Each Country in 2016». time.com. Henta 1. mars 2017. 
  16. ↑ Miia Vatka (31. desember 2016). «Iltalehden lukijat valitsivat: Saara Aalto on vuoden suomalainen!». Iltalehti. Henta 3. februar 2017. 
  17. ↑ «Finland – Eurovision Song Contest Lisbon 2018». Henta 14. mai 2018. 
  18. ↑ 10 December 2016 X Factor: Bohemian Rhapsody
  19. ↑ «Andrea Bocelli Setlist at Hartwall Areena, Helsinki, Finland - Tour: A Passion for Life». 25. januar 2015. Henta 3. mars 2017. 
  20. ↑ «Concert in Shanghai: Robert Wells - Rhapsody In Rock». 26. oktober 2012. Henta 16. februar 2017. 
  21. ↑ Tony Rojas (29. januar 2016). «Saara Aalto: "I want my song to be the happy funeral of fear, where people are dancing together!" (Finnish semifinalist – Exclusive Interview)». www.esc-plus.com. Henta 3. februar 2017. 
  22. ↑ Walsh, Shannon (10. desember 2016). «Saara Aalto, ‘X Factor UK’: 5 Fast Facts You Need to Know». Henta 11. desember 2016. 
Henta frå «https://nn.wikipedia.org/w/index.php?title=Saara_Aalto&oldid=3481046»