Santa Cruz de Tenerife
Santa Cruz de Tenerife (ofte berre kalla Santa Cruz) er hovudstaden (i lag med Las Palmas) og den nest største byen på Kanariøyane og den 21. største byen i Spania. Han har kring 220 000 innbytggjarar. Storbyområdet har kring 400 000-600 000 innbyggjarar, avhengig av kvar kjelder ein ser på.[1][2] Santa Cruz er den nest største byen i Den europeiske unionen som ikkje ligg i Europa. Santa Cruz de Tenerife er òg hovudstad på øya Tenerife (den mest folkerike øya i Spania) og provinshovudstad i provinsen Santa Cruz de Tenerife. Han ligg nordaust på Tenerife, om lag 210 kilometer utanfor nordvestkysten av Afrika i Atlanterhavet. Mellom 1833 og 1927 var Santa Cruz de Tenerife aleine hovudstad på Kanariøyane, før denne rolla i 1927 vart delt slik som i dag.[3][4] I perioden som einaste hovudstad var byen det kulturelle, politiske og økonomiske senteret på Kanariøyane.[5] Santa Cruz er den travlaste hamnebyen på Kanariøyane og er ein av dei store hamnebyane ved Atlanterhavet med mykje cruiseanløp.[6] Byane Santa Cruz og San Cristóbal de La Laguna har vokse saman og har til saman kring 380 000 innbyggjarar. Dette gjer dei til det største byområde på Kanariøyane (når ein ikkje ser på kommunegrenser).[7][8][9]
| Santa Cruz de Tenerife | |||||
|---|---|---|---|---|---|
.jpg) | |||||
| |||||
| Styresmakter | |||||
| Land Region Provins |
 SpaniaKanariøyane Santa Cruz de Tenerife | ||||
| Grunnlagd | 1492 | ||||
| Borgarmeister | Miguel Zerolo Aguilar | ||||
| Geografi | |||||
| Flatevidd | 150,56 km² | ||||
| Flatevidd - By |
150,56 km² | ||||
| Innbyggjarar - By (2008) |
221 956 | ||||
| Høgd over havet | 4 m | ||||
| Tidssone | UTC+0, UTC+01:00 (UTC) | ||||
| Diverse anna | |||||
| Plassering | |||||
 | |||||
I byen ligg parlamentet til Kanariøyane og den kanariske presidenten sit her. Fleire avdelingar av La Laguna universitet ligg i Santa Cruz, mellom anna for kunst og marine. Dei største landemerkene i byen er Auditorio de Tenerife og Santa Cruz-tårna (Torres de Santa Cruz).
Karnivalet i Santa Cruz de Tenerife traktar i dag etter å verte ein verdsarvstad.[10]
Historie
endreOmrådet der byen i dag ligg har vore busett sidan guanchane budde her for om lag 2000 år sidan. Ein har funne arkeologiske spor frå denne tida. Guanchane kalla dette området Añazo. Seinare vart han ein av dei viktigaste hamnene i Atlanterhavet og på Kanariøyane. Byen starta som ein fiskelandsby, men vart viktigare då eit vulkanutbrot øydela hamna i Garachico på 1700-talet. Han fekk sjølvstende frå La Laguna og på 1800-talet fekk han status som hovudstad på Kanariøyane av kong Ferdinand VII.
Folk frå Santa Cruz
endre- Pedro Rodríguez (f. 1987), fotballspelar
Kjelder
endre- Denne artikkelen bygger på «Santa Cruz de Tenerife» frå Wikipedia på engelsk, den 25. oktober 2009.
- Wikipedia på engelsk oppgav desse kjeldene:
- ↑ Cabildo de Tenerife. «Estudio del área metropolitana» (på spanish). Arkivert frå originalen 1. juli 2010. Henta 25. oktober 2009.
- ↑ AUDES5. «Conurbaciones en 2008» (på spansk).
- ↑ Real Decreto de 30 de noviembre de 1833 en wikisource
- ↑ Real Decreto de 30 de noviembre de 1833 en el sitio web oficial del Gobierno de Canarias
- ↑ Revista Digital San Borondón, arkivert frå originalen 31. mai 2011, henta 25. oktober 2009
- ↑ Anuario estadístico de Puertos del Estado (PDF), arkivert frå originalen (PDF) 31. mars 2010, henta 25. oktober 2009
- ↑ Dos ciudades, una Isla y un millón de opciones (PDF), arkivert frå originalen (PDF) 16. juli 2011, henta 25. oktober 2009
- ↑ http://www.webtenerife.com/PortalTenerife/Home/Disfruta+sin+perderte+nada/Informacion+practica/Antes+de+viajar/Zonas+turisticas/SANTA+CRUZ-LA+LAGUNA.htm Santa Cruz-La Laguna
- ↑ La sala de máquinas del nuevo Santa Cruz
- ↑ http://www.santacruzmas.com/SantaCruzMas09.asp?IdMenu=10&IdSeccion=41&IdSubseccion=238[daud lenkje]
Bakgrunnsstoff
endre
Reiseguide for Santa Cruz de Tenerife frå Wikivoyage