Santamartastifthale

Santamartastifthale (Synallaxis fuscorufa) er ein fugl i omnfuglfamilien som er endemisk for Colombia med utbreiing avgrensa til eit lite område lengst nord i landet, Sierra Nevada de Santa Marta.

Santamartastifthale
Santamartastifthale
Utbreiing og status
Status i verda: Nær truga Utbreiinga av Santamartastifthale
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Omnfuglar Furnariidae
Slekt:	Synallaxis
Art:	Santamartastifthale S. fuscorufa
Vitskapleg namn
Synallaxis fuscorufa P.L. Sclater, 1882

Skildring

Santamartastifthalen er ein omnfugl med rund kroppsform og mykje lang hale på totalt ca. 17 centimeter. Han veg rundt 16 gram. Skuldrene er gråolivenfarga, noko av kroppssidene olivenfarga, elles er fjørdrakta mykje lys raudbrun. Både nebbet og beina er mørke.

Han kan treffast så lågt som 760 moh., men lever helst mellom 2000 og 3000 moh. Her beitar dei insekt og anna leddyr i kratt og tett underskog og rører seg mest ein til to meter, men òg opptil 7 meter over bakkenivå. Dei kan beite i familiegrupper og i fleirartsflokkar, men mest vanleg parvis.

Storleiken på populasjonen er estimert til under 10 000 individ og er minkande. Trugsmåla er utviding av jordbruksområde, skogfelling og nedbrenning av vegetasjon.

Kjelder

• Remsen, J.V., Jr (2003) Rusty-headed Spinetail (Synallaxis fuscorufa) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 8. juli 2015
• BirdLife International (2015) Species factsheet: Synallaxis fuscorufa. Henta frå http://www.birdlife.org den 8. juli 2015

Referansar

Bakgrunnsstoff

• Flickr.com Bilete på flickr.com, frå ProAves, Colombia