Setermjelt
Setermjelt (Astragalus alpinus) er ein plante i mjeltslekta i erteblomfamilien (Fabaceae). Han er 10-25 cm høg, med liggande stengel og smale, små parstilte blad utan klengetrådar. Dei bleik-lilla eller blå-lilla blomane blømer i juni-juli.
| Setermjelt | |
 Setermjelt | |
| Systematikk | |
| Rike: | Planteriket Plantae |
| Underrekkje: | Frøplantar Spermatophytes |
| Orden: | Erteblomordenen Fabales |
| Familie: | Erteblomfamilien Fabaceae |
| Underfamilie: | Faboideae |
| Stamme: | Galegeae |
| Slekt: | Mjeltslekta Astragalus |
| Art: | Setermjelt A. alpinus |
| Vitskapleg namn | |
| Astragalus alpinus | |
Skildring
endre
Setermjelt har smale, små blad som sit parvis og er mørkegrøne på oversida og lyst grågrøne og hårete under. Øyreblada (der stilken blir delt eller bladstilkene er festa) er relativt breie, og 3-5 mm lange.
Belgane er brungrøne og hårete med svarte hår. Dei er litt klumpete og kan ha ein bøygd, kort brodd ytst.
Arten skil seg frå ei rekkje vikker ved at setermjelt har ei mengd blomar i ein klase – 12-25 blomar i alt. Han skil seg frå blåmjelt ved at sistnemnde har atskilleg større blad og øyreblad, og dessutan endå fleire blå blomar.
Utbreiing
endreSetermjelt veks på tørr grunn med sand, grus eller i humusjord. Han trivst på blomeenger i fjellet, langs vegkantar og elvebreidder og i sandbakkar og skrentar.
Han er utbreidd i fjellet og i innlandet i Sør-Noreg, men i Nord-Noreg nord for Trøndelag går han òg ut til kysten.[1]
I Norden lever han spreidd i Sverige frå Dalarne og nordover, og i Finland både i søraust og i nord.[1] Arten veks òg i høglandsstrøk i Alpane og i Karpatene.
Setermjelt har fire populasjonar (variantar):
- Setermjelt (Astragalus alpinus var alpinus) – Sørlege Norden
- Nordleg setermjelt (Astragalus alpinus var arcticus) – Nordkalotten og Russland
- Alpemjelt (Astragalus alpinus var L.) – Alpane
- Astragalus alpinus – Karpatane
Kjelder
endre- Denne artikkelen bygger på «Setermjelt» frå Wikipedia på bokmål, den 13. juni 2023.
Bakgrunnsstoff
endre- (no) setermjelt hos Artsdatabanken
- (en) setermjelt i Encyclopedia of Life
- (en) setermjelt i Global Biodiversity Information Facility
- (sv) setermjelt hos Dyntaxa
- (en) setermjelt hos ITIS
- (en) setermjelt hos NCBI
- (en) setermjelt hos The International Plant Names Index
- (en) setermjelt hos Tropicos
- (en) Kategori:Astragalus alpinus – bilete, video eller lyd på Wikimedia Commons
- (en) Astragalus alpinus – galleri av bilete, video eller lyd på Wikimedia Commons
- Astragalus alpinus – detaljert informasjon på Wikispecies
