Seymour Island
Seymour Island er ei øy i ei rekkje på 16 store øyar kring tuppen av Graham Land i Den antarktiske halvøya. Graham Land ligg nærmare Sør-Amerika enn nokon annan del av Antarktis.[1] Ho ligg i den delen av øyrekkja som ligg på vestsida av halvøya. Ho ligg like nord for Snow Hill Island og like aust for den større James Ross Island, og den mindre naboøya Vega Island.
| Seymour Island | |||
| øy | |||
| Land |  Antarktis
| ||
|---|---|---|---|
| Øygruppe | James Ross-øyane | ||
| Del av | James Ross-øyane | ||
| Stad | Antarktis | ||
| - koordinatar | 64°14′0″S 56°37′0″W / 64.23333°S 56.61667°W | ||
| Areal | 100 km² | ||
| Folketal | 0 | ||
| Administrert under | Antarktistraktaten | ||
 Seymour Island 64°14′00″S 56°37′00″W / 64.233333333333°S 56.616666666667°W | |||
  Seymour Island (Antarktis)
| |||
| Wikimedia Commons: Seymour Island, Antarctica | |||
Seymour Island vert stundom kalla Marambio Island eller Seymour-Marambio Island, etter den argentinske basen som ligg her.
Historie
endreNordspissen av Seymourøya vart observert i 1843 av ein britisk ekspedisjon leia av James Clark Ross, som gav spissen namnet Cape Seymour etter kontreadmiral George Francis Seymour. I 1892 konstaterte nordmannen Carl Anton Larsen at det dreidde seg om ei øy.
Delar av den den svenske antarktisekspedisjonen 1901–03 leia av Otto Nordenskjöld vart tvinga til å overvintre her i 1902. Heile ekspedisjonen berga seg frå Seymour Island i 1903, inkludert C.A. Larsen som var kaptein på det forliste ekspedisjonsskipet «Antarctic».
Den 29. desember 1969 opna Argentina den permanente forskingsstasjonen Base Antártica Marambio.
Base Antárctica Marambio
endre- For meir om dette emnet, sjå Marambio-basen.
Marambio-basen ligg på øya og er den viktigaste argentinske basen i Antarktis. Her vert drive ein flyplass (ICAO: SAWB ) for fly med landingshjul året rundt.[2] Om vinteren har basen i snitt eit mannskap på 55, men om sommaren kan det vere opp til 180 personar her.[3]
Klima
endreMiddeltemperaturen på Seymour Island er ved Base Antárctica Marambio målt til 1 °C om sommaren og −21 °C om vinteren. Vinterstid fører derimot sterk vind til ein følt temperatur på −60 °C.
Paleontologi
endreBergartane på Seymour Island er stort sett frå sein krittid til eocen.
I november 1882 gjekk den norske kapteinen Carl Anton Larsen i land her med skipet sitt «Jason». Her fann han fossil av utdøydde dyr og mange paleontologar har vitja øya sidan.
Sjå òg
endreKjelder
endre- Denne artikkelen bygger på «Seymour Island» frå Wikipedia på engelsk, den 19. oktober 2012.
- Wikipedia på engelsk oppgav desse kjeldene:
- ↑ ESA Science & Technology: Graham Land
- ↑ Antarktis facilities Arkivert 2008-04-24 ved Wayback Machine. – comnap.aq
- ↑ official page, arkivert frå originalen 3. desember 2013, henta 19. oktober 2012