Shag Rocks i Sør-Georgia

Shag Rocks (spansk Islas Aurora) er seks små øyar heilt vest i Sør-Georgia, 240 km vest for hovudøya Sør-Georgia og 1000 km utanfor Falklandsøyane. Shag Rocks ligg 16 km søraust for Black Rock.

Shag Rocks
øy
Shag Rocks
Land	Storbritannia
Øygruppe	Sør-Georgia og Sør-Sandwichøyane
Del av	Sør-Georgia og Sør-Sandwichøyane
Koordinatar	53°33′S 42°2′W
Høgaste punkt
- høgd	75 moh.
Areal	20 ha
Folketal	0
Shag Rocks i Sør-Georgia 53.5475°S 42.02°W / -53.5475; -42.02
Shag Rocks i Sør-Georgia (Antarktis)
Wikimedia Commons: Shag Rocks

Shag Rocks har eit samla areal på mindre enn 20 hektar. Dei ligg på Sør-Georgiaryggen og har ei høgd på opp mot 75 meter over havet. Det er ikkje noko særleg med vegetasjon på øyane.

Det er mykje skrav på øya (shag på engelsk), prionar og vandrealbatrossar.

Shag Rocks vart kanskje oppdaga av Jose de la Llana i 1762 og opphavleg kalla Aurora Islands, etter skipet hans. Ein trur derimot at Aurora Islands var fantomøyar som berre tilfeldigvis låg nær Shag Rocks. Øyane var derimot kjende for selfangarar før 1823. Dei vart seinare oppdaga på ny av James Sheffield, som gav det noverande namnet til øyane. Dei vart kartlagde av mannskapet på «William Scoresby» under Discovery Investigations i 1927. Første gong ein gjekk i land på øyane var i 1956, då ein argentinsk geolog vart sleppt ned frå eit helikopter for å samle steinprøvar.

Øyane høyrer til dei britiske Sør-Georgia og Sør-Sandwichøyane. Før 1985 høyrte dei til Falkland Islands Dependencies.

Argentina har òg gjort krav på øyane og Falklandskrigen i 1982 vart utkjempa mellom Storbritannia og Argentina om herredøme over Falklandsøyane, men òg over Sør-Georgia og Sør-Sandwichøyane. Black Rock og Shag Rocks ligg langs ruta mellom Falklandsøyane og Sør-Georgia.

Sjå òg

• Aurora Islands
• Composite Antarctic Gazetteer
• History of Sør-Georgia og Sør-Sandwichøyane
• Antarktiske og subantarktiske øyar
• Antarktiske øyar nord for 60 °S

Kjelder

• Denne artikkelen bygger på «Shag Rocks, South Georgia» frå Wikipedia på engelsk, den 14. november 2012.
  • Wikipedia på engelsk oppgav desse kjeldene:

Bakgrunnsstoff

• CIA World Factbook Entry Sør-Georgia Arkivert 2015-08-13 ved Wayback Machine.
• The Shag Rocks, Sør-Atlanterhavet at Britlink. Arkivert 2008-10-30 ved Wayback Machine.