Siggjo
Siggjo er med sine 474 moh. det høgste fjellet i Bømlo kommune og ligg på øya Bømlo. Fjellet har ein karakteristisk fasong, er synleg frå store delar av Sunnhordland og er attkjenneleg frå langt til havs og frå fjelltoppane rundt Bergen. Siggjo har difor vore eit kjent innsiglingsmerke. Frå toppen kan ein sjå frå Folgefonna i aust til Haugesund i sør.
| Siggjo | |||
| fjell | |||
 Siggjo
| |||
| Land |  Noreg
| ||
|---|---|---|---|
| Fylke | Hordaland | ||
| Kommune | Bømlo kommune | ||
| Høgd | 474 moh. | ||
| Primærfaktor | 474 m | ||
 Siggjo 59°44′52″N 5°17′44″E / 59.747777777778°N 5.2955555555556°E | |||
| Wikimedia Commons: Siggjo | |||
Fjellet er eit populært turmål, og det er gode vegar og stigar som fører til toppen.
Siggjo har kome til ved vulkansk aktivitet, og i fjellsida finst det mykje av bergarten rhyolitt. Rhyolitten vart i steinalderen broten ut og bruka til å laga reiskapar av.
Stundom kan det vere skya på toppen av Siggjo, og dette inngår i eit ordtak på Bømlo som seier at «Når Siggjo tar hatten på, då blir det vatn å få».