Slettebakken kyrkje
Slettebakken kyrkje er ei utradisjonelt utforma kyrkje frå 1970 som står på Slettebakken ved Tveitevatnet i Årstad bydel i Bergen. Kyrkja er soknekyrkje for Slettebakken kyrkjelyd i Fana prosti. Kyrkjebygget er ei listeført kyrkje og er godt synleg frå ei reise med Bybanen.
| Slettebakken kyrkje | |||
| Slettebakken kirke | |||
 Foto: Diego Delso | |||
| Land |  Noreg
| ||
|---|---|---|---|
| Fylke | Vestland | ||
| Kommune | Bergen | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Fana prosti | ||
| Sokn | Slettebakken | ||
| Stad | Slettebakken | ||
| Type | Arbeidskyrkje | ||
| Arkitekt | Tore Sveram | ||
| Material | Betong | ||
| Innvigd | 20. desember 1970 | ||
| Klokker | 2 klokker frå O. Olsen & Søns klokkestøperi, Nauen, Tønsberg | ||
| Kyrkjegard | Ved kyrkja | ||
| Altartavle | Dekorasjon, kross | ||
| Orgel | J.H. Jørgensens orgelfabrikk | ||
| Sitjeplassar | 600 [1] | ||
 Slettebakken kyrkje 60°21′10″N 5°21′25″E / 60.352835°N 5.357015°E | |||
| Wikimedia Commons: Slettebakken kirke | |||
Kyrkja blei til etter at arkitekten Tore Sveram vann ei lokal tevling med forslag til utforming av ei ny kyrkje på Slettebakken.[2] Tevlinga vart halden av Bergen arkitektforening i 1963. Tore Sveram var særleg inspirert av japanske Kenzo Tange som hadde teikna Mariakyrkja i Tokyo. Forslaget til Sveram vart rekna som radikalt, men fekk stønad frå kyrkjelyden på Slettebakken.[3]
Kyrkja er bygd med eit 11 centimeter tjukt skaltak i betong. Sjølve kyrkjerommet blir dominert av mykje rå betong og metall som materiale og ei kraftig betongberesøyle til taket.[3] Slettebakken kyrkje husar ein aktiv kyrkjelyd som driv mange aktivitetar.[4]
Kjelder
endreFotnotar
endre- ↑ Anne-Grethe Dahl, «Strekker seg mot stjernene», i Bergens Tidende 6. februar 2016, s. 64-65
- ↑ Espen Stange. «Tore Sveram, Slettebakken kirke, 1964-1970» (PDF). Slettebakken Menighet.
- ↑ 3,0 3,1 Arkitekturvandring i Bergen[daud lenkje]
- ↑ Nettstaden til kyrkjelyden
Bakgrunnsstoff
endre- Slettebakken kyrkje i kulturminnesok.no, nettstaden til Riksantikvaren
- «Slettebakken kyrkje». Kirkesøk. Den norske kyrkja.
Denne kyrkjeartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han. Kursiv tekst