Snøbergkall
Snøbergkall (Cinclodes palliatus) er ein sterkt truga art av sporvefuglar i omnfuglfamilien.
| Snøbergkall | |
.jpg) Snøbergkall Foto: Dominic Sherony
| |
| Utbreiing og status | |
Status i verda:  Kritisk truga Utbreiinga av snøbergkall | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Omnfuglar Furnariidae |
| Slekt: | Bergkallar Cinclodes |
| Art: | Snøbergkall C. palliatus |
| Vitskapleg namn | |
| Cinclodes palliatus | |
Snøbergkallen er den klårt største bergkallen, 23-25 centimeter i kroppslengd, han skil seg òg frå andre bergkallar med kvit underside frå strupe til undergump. Brystet er markant breitt, og reint kvitt, oversida er brunraud. Oversida av hovudet er i grått og halen er mørk brun. Vaksne fuglar veg i området 99 til 109 gram. Lætet er snøgt skravlande 'pipipi'-trille, det kan bli eit akselererande og høgt 'wi-wi-wi-wi-wi...'.
Denne fuglen er endemisk for sentrale Peru, eit særs avgrensa og høgtliggande område i Junín-regionen, 4400-5000 moh. Habitatet er knytt til myrer og våtmarker med Distichia polsterplantar.
Populasjonen er trudd å ligge mellom 50 og 250 modne individ og er minkande. Arten er truga av øydelegging av habitat, inkludert gruvedrift i leveområdet.
Kjelder
endre- BirdLife International (2024) Species factsheet: Cinclodes palliatus. Henta frå http://www.birdlife.org den 1. april 2024.
- Schulenberg, T. S. og G. M. Kirwan (2020). White-bellied Cinclodes (Cinclodes palliatus), version 1.0. I Birds of the World (T. S. Schulenberg, red.) Cornell Lab of Ornithology, Ithaca, NY, USA. https://doi.org/10.2173/bow.whbcin1.01
- Schulenberg, T., Stotz, D. Lane, D., O'Neill, J, & Parker, T. Birds of Peru. Christopher Helm, London. (2007) ISBN 978-0-7136-8673-9
Bakgrunnsstoff
endre
Wikimedia Commons har multimedia som gjeld: Snøbergkall