Songen Arrival

Arrival Song av ABBA frå albumet Arrival
Utgjeve	11. oktober 1976
Sjanger	Pop
Lengd	3:00
Selskap	Polar
Komponist	Björn Ulvaeus, Benny Andersson
Tekstforfattar	ingen verdi
Låtskrivar(ar)	Björn Ulvaeus, Benny Andersson
Produsent	Björn Ulvaeus, Benny Andersson

«Arrival» er ein instrumental av den svenske popgruppa ABBA frå albumet deira med same namn. Instrumentalen er hovudsakleg skriven av Benny Andersson og hadde arbeidstitlane «Fiol», «Ode to Dalecarlia» og «Arrival in Dalecarlia».

Bakgrunn

«Arrival» var den andre og siste komposisjonen til gruppa som ikkje hadde tekst, etter «Intermezzo No.1» frå året før. Som med «Intermezzo No.1», ein kormelodi, var han kraftig påverka av tradisjonell, svensk folkemusikk. Stykket vart spelt inn 30. august 1976 i Metronome Studio i Stockholm. Tittelen på albumet, Arrival, gave instrumentalen namnet sitt, og ikkje motsett. Det var òg eit av dei siste spora som vart spelt inn før albumet kom ut 11. oktober 1976.

I 1983 vart ein annan versjon av songen, med tekst, kalla «Belle», sungen av Daniel Balavoine og Anni-Frid Lyngstad («Frida») som ein del av den franske musikalen ABBAcadabra. I 1983 vart songen òg spelt inn på ny med ein annan tekst og gjeven ut som «Time» av B.A. Robertson og Lyngstad.

Andre versjonar

Mike Oldfield-versjonen

Arrival Singel av Mike Oldfield frå albumet QE2
Språk	inkje språkleg innhald
Utgjeve	12. september 1980
Innspelt	1980
Sjanger	Folkrock
Lengd	2:46
Selskap	Virgin
Komponist	Björn Ulvaeus, Benny Andersson
Tekstforfattar	ingen verdi
Låtskrivar(ar)	Benny Anderson Björn Ulvaeus
Produsent	Mike Oldfield David Hentschel
Mike Oldfield-kronologi
«Blue Peter» (1979)	Arrival	«Sheba» (1980)

I 1980 spelte Mike Oldfield inn ein versjon av songen for albumet QE2. Songen vart gjeven ut på singel.

Innhald

1. «Arrival» – 2:46
2. «Polka» (live frå 1980) – 3:34

Medverkande

• Mike Oldfield: elektrisk gitar, afrikansk trommer, keltisk harpe, bassgitar, mandolin, spansk gitar, syntehsizer, vocoder, australsk rytmepinne, vokal
• David Hentschel: synthesizers, trommer, vokal
• Maggie Reilly: vokal
• Strykarar og kor arrangert av David Bedford
• Leiar for strykarane: Dick Studt
• Choir English Chorale

Andre versjonar og samplingar

• Den franske songaren Michèle Torr spelte inn songen med tekst, under tittelen «J'aime».
• Petula Clark spelte òg inn songen med fransk tekst, som «La Vallée».
• Den tyske dance-gruppa Scooter sampla «Arrival» i songen «Roll Baby Roll» på albumet The Stadium Techno Experience. Av opphavsrettsårsaker måtte dei sidan skrive om songen, som høyrest heilt annleis ut, under namnet «Swinging In The Jungle».
• Det britiske rockebandet The Darkness har spelt «Arrival» som opningssong på turneane deira sidan 2003
• Sarah Brightman spelte inn ein vokal versjon i 2008 for albumet A Winter Symphony, med ein tidlegare unytta tekst av Björn Ulvaeus, som han skreiv i 1999 for at han kanskje skulle brukast i musikalen Mamma Mia!
• ABBA-bandet Björn Again har nytta songen som opningssong på konsertane sine i mange år
• Det tyske bandet Gregorian har sungen songen, med tekst frå Sarah Brightman-versjonen, på albumet deira Masters of Chant Chapter VII i 2009.
• «Arrival» vart nytta som kjenningsmelodi i BBC-serien Robbie, presentert av Fyfe Robertson.
• Den tyske songaren Annegret Behrend spelte inn ein versjon av songen i 1977 med tittelen «Wie ein Vogel auf dem Wind».
• Det russiske dance-bandet «Section 1» spelte songen i 2015 på «Roll & Ride».
• Det svenske metal-bandet Ghost «brukte songen under ein transformasjon frå «Cardinal Copia» til «Papa Emeritus IV» under ein konsert» i Mexico i 2020.

Kjelder

• Denne artikkelen bygger på «Arrival (composition)» frå Wikipedia på engelsk, den 29. juni 2020.
  • Wikipedia på engelsk oppgav desse kjeldene: