Wikipedia

Songs for Drella

Songs for Drella
Studioalbum av Lou Reed og John Cale
Språk engelsk
Utgjeve 11. april 1990
Innspelt Desember 1989 - januar 1990
Studio Sigma Sound, New York City
Sjanger Kunstrock
Lengd 52:54
Selskap Sire
Produsent Lou Reed and John Cale
Lou Reed-kronologi 
New York
(1989) 		Songs for Drella Magic and Loss
(1992)
John Cale-kronologi
Words for the Dying
(1989) 		Songs for Drella Wrong Way Up
(1990)


Songs for Drella er eit album av Lou Reed og John Cale, begge tidlegare i The Velvet Underground. Albumet er ein songsyklus om Andy Warhol,[1] som var mentoren deira og som hadde døydd etter ein rutineoperasjon i 1987. Drella var kallenamnet til Warhol, som han fekk av skodespelarinna Ondine, ei samandraging av Dracula og Cinderella. Songsyklusen fokuserer på dei personlege forholda og opplevingane hans. Songane fell i stort sett tre kategoriar: songar sett frå Warhol sitt perspektiv, tredjepersonsforteljingar om hendingar og forhold, og førstepersonskommentarar om Warhol av Reed og Cale sjølv. Songane omhandlar stort sett hendingane i kronologisk rekkjefølgje.

Innspeling

endre

Lou Reed og John Cale snakka til kvarandre for første gongen på mange år i gravferda til Warhol i St. Patrick's Cathedral i New York den 1. april 1987. Målaren Julian Schnabel føreslo at dei skulle skrive eit minnestykke for Warhol. 7. og 8. januar 1989 framførte Cale og Reed delar av Songs for Drella i The Church of St. Anne's i Brooklyn.[2] Likevel tok prosjektet enno eit år å fullføre, medan Cale fullførte sitt Words for the Dying, og Reed fullførte og turnerte med hans New York-album. Den første fulle versjonen (med «A Dream» på ei av framføringane) vart framført 29. og 30. november og 2. og 3. desember på The Next Wave Festival i Brooklyn Academy of Music.[3] 4. og 5. desember 1989 vart ei konsertframføring utan publikum filma i The Brooklyn Academy of Music, regissert av Ed Lachman, og gjeve ut på VHS og laserdisc.[4][5] Dei neste to månadane fortsette Reed og Cale å spele inn materiale for albumet, som kom ut i 1990 på Sire Records.

Albumet var det første fulle samarbeidet deira sidan White Light/White Heat i 1968, og mot slutten av innspelinga hevda Cale at han aldri skulle arbeide med Reed igjen på grunn av personlege skilnader, men Songs for Drella vart likevel opptakten til ei gjenforeining med Velvet Underground. Etter at dei framførte eit utval av Drella den 15. juni 1990 under ei Warhol/Velvet Underground-utstilling på Cartier Foundation i Jouy-en-Josas, fekk Reed og Cale med seg Sterling Morrison og Maureen Tucker på scenen for ei framføring av Velvet Underground-songen «Heroin»,[6] som så førte til den første og einaste gjenforeininga av Velvet Underground. Dette fann stad i 1993 (etter at Cale og Reed, igjen, svor at dei aldri skulle arbeide i lag igjen).

Mottaking

endre
Meldingar
Karakter
KjeldeKarakter
AllMusic     [7]
Chicago Tribune    [8]
Entertainment WeeklyB−[9]
Los Angeles Times     [10]
NME8/10[11]
Q     [12]
Rolling Stone     [13]
The Rolling Stone Album Guide     [14]
Spin     [15]
The Village VoiceA−[16]

Songs for Drella fekk positive meldingar og god kritikk då det kom ut. Rolling Stone gav fire stjerner og Paul Evans skreiv «Begge nærmar seg femti og Reed og Cale. I populær musikken er det berre bluesmenn og countrystjerner som har klart å syne modenheita desse to syner.»[17] Spin skildra Songs for Drella som «eit rørande vitnesbyrd til eit av dei viktigaste ikona i 1960-åra» og kåra det til eit av dei 20 beste albuma i 1990.[18]

Innhald

endre

Alle songane skrivne av Lou Reed og John Cale.

Side A
Nr.TittelSolovokalLengd
1.«Smalltown»Lou Reed2:04
2.«Open House»Lou Reed4:18
3.«Style It Takes»John Cale2:54
4.«Work»Lou Reed2:38
5.«Trouble with Classicists»John Cale3:42
6.«Starlight»Lou Reed3:28
7.«Faces and Names»John Cale4:12
Side B
Nr.TittelSolovokalLengd
8.«Images»Lou Reed3:31
9.«Slip Away (A Warning)»Lou Reed3:05
10.«It Wasn't Me»Lou Reed3:30
11.«I Believe»Lou Reed3:18
12.«Nobody But You»Lou Reed3:46
13.«A Dream»John Cale6:33
14.«Forever Changed»John Cale4:52
15.«Hello It's Me»Lou Reed3:13

Singlar

endre

«Nobody But You» med «Style It Takes»—7" i Tyskland i 1990.

«Nobody But You»; «Style It Takes» med «A Dream»—12" & CD-single i Tyskland i 1990.

Salslister

endre
Liste (1992) Plassering
Australia (ARIA Charts)[19] 100
Nederland 17

Medverkande

endre

Kjelder

endre
  1. ↑ Jon Pareles (1 Dec 1989). «Review/Rock; 'Songs for Drella,' A Tribute to Warhol». New York Times. 
  2. ↑ Fear Is A Man's Best Friend fansite - John Cale setlists 1989: New York 1989-01-08
  3. ↑ Fear Is A Man's Best Friend fansite - John Cale setlists 1989: New York 1989-11-30
  4. ↑ Fear Is A Man's Best Friend fansite - John Cale on screen: Songs for Drella video (includes link to full video online)
  5. ↑ Songs for Drella video at Internet Movie Database
  6. ↑ Fear Is A Man's Best Friend fansite - John Cale setlists 1990: Jouy-En-Josas 1990-06-15
  7. ↑ Deming, Mark. «Songs for Drella – John Cale / Lou Reed». AllMusic. Henta 9. april 2022. 
  8. ↑ Kot, Greg (12. januar 1992). «Lou Reed's Recordings: 25 Years Of Path-breaking Music». Chicago Tribune. Henta 28. mars 2022. 
  9. ↑ «Notable music for the week of 11. mai 1990». Entertainment Weekly (New York). 11. mai 1990. Henta 9. april 2022. 
  10. ↑ Hochman, Steve (24. april 1990). «Album Review: A Moving Remembrance of Andy Warhol». Los Angeles Times. Henta 9. april 2022. 
  11. ↑ Martin, Gavin. «Lou Reed/John Cale – Songs For Drella». NME (London). Arkivert frå originalen 22. juni 2000. Henta 25. januar 2016. 
  12. ↑ «Lou Reed and John Cale: Songs for Drella». Q (London) (127): 150. April 1997. 
  13. ↑ Evans, Paul (17. mai 1990). «Songs for Drella». Rolling Stone (New York). Arkivert frå originalen 29. august 2017. Henta 9. april 2022. 
  14. ↑ Hull, Tom (2004). «Lou Reed». I Brackett, Nathan; Hoard, Christian. The New Rolling Stone Album Guide (4th utg.). Simon & Schuster. s. 684–85. ISBN 0-7432-0169-8. 
  15. ↑ Marchese, David (November 2009). «Discography: Lou Reed». Spin (New York) 24 (11): 67. Henta 29. mars 2022. 
  16. ↑ Christgau, Robert (25. september 1990). «Consumer Guide». The Village Voice (New York). Henta 9. april 2022. 
  17. ↑ «Songs for Drella». Rolling Stone. 17. mai 1990. Arkivert frå originalen 29. august 2017. Henta 9. april 2022. 
  18. ↑ «The 20 Best Albums of 1990». January 1991. 
  19. ↑ Ryan, Gavin (2011). Australia's Music Charts 1988–2010 (pdf utg.). Mt. Martha, VIC, Australia: Moonlight Publishing. 
Henta frå «https://nn.wikipedia.org/w/index.php?title=Songs_for_Drella&oldid=3514908»