Spisslønn

Spisslønn (Acer platanoides) er ein art i lønnslekta med naturleg utbreiing i Europa aust til Kaukasus.

Spisslønn
Spisslønn
Utbreiing og status
Status i verda: Livskraftig Utbreiinga av spisslønn
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Sapindales
Familie:	Lønnefamilien Sapindaceae
Underfamilie:	Hippocastanoideae
Slekt:	Lønn Acer
Art:	Spisslønn A. platanoides
Vitskapleg namn
Acer platanoides L., 1753

Utbreiing

I Noreg veks han naturleg på Austlandet nord til Alvdal kommune og Fåberg, på Sørlandet vest til Kvinesdal kommune. I Voss kommune og Luster kommune er det usikkert om han veks naturleg eller naturalisert. Lønnen er mykje brukt som park- og hagetre. Som kulturplante veks han nord til Troms.

Spisslønnen veks i tørr skog og på rasmark.

Utsjånad

Spisslønnen blomstrar på berr kvist med blomstrar i opprette halvskjermar. Spisslønnen har høg, kuppelforma krone, i Noreg vert treet opp til 20 m høgt. Kvistar og blad er snaue. Blada har fem lappar spisse tenner, flikane mellom lappane er buttare enn hos platanlønnen.

Spisslønn har karakteristiske frø med to venger som lett spreier seg med vinden. Vinkelen mellom frøvengene er butt.

Veden til spisslønn minner mykje om veden til bjørk og er verdifull som snikkarmaterial.

Galleri

• 
  Acer platanoides
• 
  Vintergrein
• 
  Frø
• 
  Lauv
• 
  Acer Platanoides 'Schwedleri'
• 
  Haust

Kjelder

• Alan Michell: Trær i skog og hage. Oslo 1977. ISBN 82-10-01282-7 * Johannes Lid: Norsk flora. Oslo 2004 ISBN 82-521-6029-8
• Knut Fægri: Norges Planter. Oslo 1958
• Knut Skinnemoen: Skogskjøtsel. Oslo 1968

Bakgrunnsstoff

• (no) spisslønn hos Artsdatabanken
• (en) spisslønn i Encyclopedia of Life
• (en) spisslønn i Global Biodiversity Information Facility
• (sv) spisslønn hos Dyntaxa
• (en) spisslønn hos ITIS
• (en) spisslønn hos NCBI
• (en) spisslønn hos The International Plant Names Index
• (en) spisslønn hos Tropicos
• (en) Kategori:Acer platanoides – bilete, video eller lyd på Wikimedia Commons
• (en) Acer platanoides – galleri av bilete, video eller lyd på Wikimedia Commons
• Acer platanoides – detaljert informasjon på Wikispecies