Stein Ove Berg
Stein Ove Berg (22. desember 1948–17. juni 2002) var ein norsk vokalist, gitarist, komponist og diktar frå Kløfta i Ullensaker i dåverande Akershus fylke.
| Stein Ove Berg | |
| Statsborgarskap | Noreg |
| Fødd | 22. desember 1948 |
| Død | |
| Yrke | journalist, låtskrivar, songar, plateartist |
| Språk | norsk |
| Medlem av | Kniplia Pukkverk |
Songaren
endreStein Ove Berg debuterte offentleg som visesongar i Søndagsposten på NRK radio 1. april 1971. To år seinare gav han ut singelen «Manda morra blues» ei vise som tek opp problem knytte til pendling. «Manda morra blues» låg fem veker på førsteplass på Norsktoppen. Same året gav han ut viseboka «Hestehov og brun beis», den første i ein serie på tre. Året etter gav han ut si første LP-plate, «Kommer nå». Tittelsporet er ei av visene som vart folkeeige etter visebølgja på 1970-talet. Plata Visa di, som kom ut i 1975, fekk han Spellemannprisen for same året.
Tekstene til Stein Ove Berg var ofte sosialrealistiske. «Rollebytte i oppgang A» og «Hva med kona til Andersen på Skarnes» er døme på viser som tar opp kvinnesak, ikkje frå ein feministisk ståstad, men som ein sosialdemokratisk arbeidarsongar. Songen «Ta hverandre i handa og hold» er nærast blitt kanonisert i den norske arbeidarrørsla.
Musikken på plata Egg (1980) har meir preg av country enn visesang. Tema for fleire av songane er havarert samliv - «Hvor er hu som kokte egget mitt for bløtt?».
Men turnélivet førte med seg alkoholbruk og ujamn livsrytme, og Stein Ove Berg fekk problem han hadde vanskeleg for å takle. Tidleg på 1980-talet trekte han seg tilbake frå artistlivet, og ei tid arbeidde han som lærar.
I 1996 stod Stein Ove Berg fram som nyomvend kristen, og han tok seg jobb på Ørjetun evangeliesenter i Drammen.
I 2001 fekk han ein kulturell heiderspris av LO. Året etter kom han tilbake med plata Det jeg skulle ha gitt. Mange av tekstane bar preg av den kristne trua hans. Kort tid etter at plata kom ut, vart han funnen død i heimen sin i Oslo.
Utmerkingar
endre- Språklig samlings litteraturpris 1976
- Spellemannprisen 1975 i klassen Visesong for Visa di
Diskografi
endreSinglar
endre- 1973: «Manda' morra blues»/«Visa di», single, med Willy Andresens kvintett
- 1974: «Visa om deg»/«Rollebytte i oppgang A», single, med Willy Andresens orkester
- 1984: «Turalu»/«Unger», single
Album
endre- 1974: Kommer nå, album
- 1975: Visa di, album
- 1975: Kniplia Pukkverk, album
- 1977: La dette bli min sang, album
- 1978: Når dagen kommer, album
- 1979: Veiviser, album
- 1980: Egg, album
- 1981: Bergtatt, album
- 2002: Det jeg skulle ha gitt, album
Samlealbum
endre- 1982: 20 beste
- 1995: Årgangsviser
Visebøker
endre- 1973: Hestehov og brun beis
- 1975: Albumblad
- 1979: 58 viser
Antologi
endre- 1995: Årgangsviser
Kjelder
endre- Ballade - musikkinformasjonssenterets nettavis Arkivert 2010-10-20 ved Wayback Machine.
- Bokmålswikipediaen