Stephen Kiprotich
Stephen Kiprotich (fødd 27. februar 1989) er ein ugandisk langdistanseløpar som i 2012 vart olympisk meister og i 2013 verdsmeister i maratonløping.
| Stephen Kiprotich | |
|
| |
| Statsborgarskap | Uganda |
| Fødd | 27. februar 1989 (35 år) Kapchorwa |
| Idrett | friidrett |
| Tok del i | Friidrett under Sommer-OL 2012 – Maraton herrer, Friidrett under Sommar-OL 2016 – Maraton menn |
Aktiv
endre
Sommaren 2010 sette Kiprotich personleg rekord på 10 000 meter med tida 27.58.0. Om hausten same året vart han femtemann i Fjelløp-VM i Kamnik i Slovenia. I 2011 kom han på sjetteplass individuelt i VM i terrengløp i Punta Umbría i Spania og vann bronse i lag med det ugandiske mannskapet. Noko seinare i sesongen debuterte han i maratonløp i Enschede i Nederland, der han sprang inn til siger på den gode tida 2.07.20. I VM 2011 i Daegu vart han nummer ni i maraton.
Seinvinteren 2012 kom Kiprotich på tredjeplass i Tokyo maraton. Eit knapt halvår etter sikra han seg gullmedaljen i maraton under Sommar-OL 2012 i London. På ein heit dag med høg luftfukt kom han der i mål på tida 2.08.01. Medaljen var den fyrste til Uganda i olympiske leikar sidan 1996, og den fyrste i gull etter hekkeløparen John Akii-Bua vart historisk i 1972. Året etter vann Kiprotich også maratonløpet i Friidretts-VM i Moskva. I 2015 stod han for ugandisk bestenotering med 2.06.33 då han vart andremann i Tokyo maraton, medan han Beijing-VM enda på sjetteplass på distansen.
Medaljar og plasseringar i internasjonale meisterskap
endre- VM 2007 i Osaka: Utslått på 5000 m (14.04,2 =nr 29)
- VM 2011 i Daegu: Nr 9 i maraton – 2.12.57
- OL 2012 i London: Gullmedalje i maraton – 2.08.01, framom Abel Kirui (2.08.27)
- VM 2013 i Moskva: Gullmedalje i maraton – 2.09.51, framom Lelisa Desisa (2.10.12)
- VM 2015 i Beijing: Nr 6 i maraton – 2.14.43
- OL 2016 i Rio de Janeiro: Nr 14 i maraton – 2.13.32
- VM 2019 i Doha: Nr 18 – 2.15.04
- OL i 2021 i Tokyo: Braut maratonløpet
Kjelder
endre- Denne artikkelen bygger på «Stephen Kiprotich» frå Wikipedia på engelsk, den 12. juni 2019.