Stromae
Paul Van Haver (fødd 12. mars 1985 i Brussel), betre kjend som Stromae,[a] er ein franskspråkleg artist og låtskrivar av belgisk-rwandisk opphav. Han er best kjend for musikk med påverknader frå hip-hop og elektronisk musikk. Stromae blei fyrst kjend med songen «Alors on danse», som låg på fyrsteplass på hitlistene i fleire veker i ei rekkje land i Europa.
| Stromae | |
 | |
| Statsborgarskap | Belgia |
| Fødd | 12. mars 1985 (39 år) Etterbeek |
| Yrke | songar, rappar, musikkprodusent, låtskrivar |
| Språk | fransk, nederlandsk, engelsk |
| Nettstad | http://www.stromae.com |
| Stromae på Commons | |
Biografi
endrePaul Van Haver vart fødd i Brussel og voks opp i Laeken i byen. Far hans, arkitekten Pierre Rutare var ein tutsi frå Rwanda, medan mora, Miranda van Haver, var flamsk.[1][2] Han og syskena blei hovudsakleg oppseda av mora. Faren blei drepen under det rwandiske folkemordet i 1994 medan han vitja familien.[1][3]
I ein alder av elleve viste Paul Van Haver allereie interesse for musikk og gjekk på l'Académie Musicale de Jette, der han studerte musikkhistorie og lærte å spele trommer. Tidleg musikalsk påverknad omfatta Jacques Brel, son cubano og kongolesisk rumba.[4]
I 2000 opptredde han som rappar under artistnamnet Opmaestro, som han seinare endra til Stromae («Maestro»).[5] Flyttinga av bokstavane er ei form for fransk slang[6] kjend som verlan.[3][7] Det var under dette aliaset van Haver blei kjend.
Som attenåring grunnla Stromae ei rapgruppe som heite Suspicion, saman med rapparen «Jedi» i Eichof. Deo produserte blant anna songen og musikkvideoen «Faut que t'arrête le rap». Jedi bestemte seg for å forlate rapduoen litt seinare.
For å finansiere den private vidaregåande utdanninga si jobba van Haver deltid i turistnæringa. Det var fyrst seinare, då han hadde byrja på l' Institut National de Radioélectricité et Cinématographie, at han gav ut sitt fyrste album, Juste un cerveau, un flow, un fond et un mic.
I 2008 signerte han ei 4-års platekontrakt med Because Music og Kilomaître. I 2009 jobba Paul som læregut ved den musikalske radiostasjonen NRJ Brussel. Vincent Verbelen, Music Manager, blei imponert over talentet til Stromae då han høyrde hans fyrste singel «Alors on danse», og bestemte seg for å lufte låta på NRJ for fyrste gong. Responsen frå lyttarane var av ein ekstrem entusiasme. Salet steig raskt til nummer éin i Belgia i løpet av berre nokre få veker. Vertigo Records, ein etikett med Mercury Records Frankrike (Universal Music Group), signerte han for ein verdsomspennande lisensieringsavtale kort tid etter dette.
I mai 2010 hadde han nådd fyrsteplass på hitlistene i Hellas, Nederland, Tyskland, Austerrike, Sveits, Italia, Danmark, Belgia og Tsjekkia.
Diskografi
endreStudioalbum
endre- Cheese (2010)
- Racine carrée (2013)
- Multitude (2022)
EP-ar
endre- Juste un cerveau, un flow, un fond et un mic… (2007)
Mixtapar
endre- Freestyle Finest (2006)
- Mixture Elecstro (2009)
Videoalbum
endre- Racine carrée Live (2015)
Merknadar
endre- ↑ Uttalt [stromaj]
Kjelder
endre- ↑ 1,0 1,1 Kalimba, Stephen (9 October 2015). «Tracing Stromae's Rwandan roots». www.newtimes.co.rw. Arkivert frå originalen 4 August 2019. Henta 4 August 2019.
- ↑ Coljon, Thierry (24. desember 2010). «Ma journée avec Stromae, de Laeken à Vilvorde» (på fransk). Arkivert frå originalen 6 October 2013.
- ↑ 3,0 3,1 Scott, Sayare (14. oktober 2013). «Stromae: Disillusion With a Dance Beat». The New York Times. Henta 28 October 2014.
- ↑ Hoby, H, Fox, K & Woodcraft, M (5 September 2010). «Stars In Our Eyes: This Season's New Music Talent». The Guardian. Henta 28 October 2014.
- ↑ Kletnoy, Sergio. «The Rest of the World Loves Stromae...and Soon You Will, Too». Elle. Henta 10 September 2018.
- ↑ Beardsley, Eleanor. «Stromae, Global Star In The Making, Set To Touch Down In The U.S.». NPR.org. NPR. Henta 10 September 2018.
- ↑ «Verlan: France's backwards language you need to learn». The Local France. 12. juli 2016. Henta 10. september 2018.
