Supper's Ready
| Supper's Ready Song av Genesis frå albumet Foxtrot | ||
| Språk | engelsk | |
| Utgjeve | 6. oktober 1972 | |
| Innspelt | August 1972 | |
| Sjanger | Progressiv rock | |
| Lengd | 22:54 | |
| Selskap | Charisma/Virgin(UK) Atlantic(U.S.) | |
| Komponist | Tony Banks | |
| Tekstforfattar | Peter Gabriel | |
| Låtskrivar(ar) | Peter Gabriel | |
|---|---|---|
| Produsent | David Hitchcock | |
«Supper's Ready» er ein song av det britiske rockebandet Genesis, gjeven ut på albumet Foxtrot frå 1972. Bandet spelte ofte heile stykket på konsertane sine i fleire år etter albumet kom ut. Det finst konsertopptak på Seconds Out (1977), Genesis Archive 1967-75 og Genesis Live 1973–2007.
I eit intervju oppsummerte Peter Gabriel «Supper's Ready» som «ei personleg reise som endar opp med at ein vandrar gjennom scener frå Openberringa i Bibelen...det er alt eg vil sei».[1]
Struktur
endreSongen har ei lengd på nesten 23 minuttar og er delt inn i sju delar. Fleire musikalske og lyriske tema dukkar opp gjennom heile stykket. Som mange progressive rockestykke inneheld songen mange endringar i takt, forteikn, leiemotiv, instrumentering og stemning.[2]
Songen er tilskriven av heile bandet (Banks/Collins/Gabriel/Hackett/Rutherford). I forskjellige intervju seier Banks at han komponerte mykje av musikken medan han framleis var student på universitetet. Gabriel skreiv det meste av teksten. Collins medverka mykje med arrangement og overgangane mellom stykka.
Dei sju delane av songen er «Lover's Leap», «The Guaranteed Eternal Sanctuary Man», «Ikhnaton and Itsacon and Their Band of Merry Men», «How Dare I Be So Beautiful?», «Willow Farm», «Apocalypse in 9/8 (Co-Starring the Delicious Talents of Gabble Ratchet)» og «As Sure As Eggs Is Eggs (Aching Men's Feet)»
«Willow Farm» var opphavleg ein eigen song, med musikk og tekst av Gabriel.
Medverkande
endre- Peter Gabriel – vokal, fløyte, basstromme, tamburin og obo
- Steve Hackett – elektrisk gitar, 6- og 12-strengs akustisk gitar
- Mike Rutherford – bass, 12-strengs akustisk og elektrisk gitar, basspedalar, cello, korvokal
- Tony Banks – piano, Hohner pianet, Hammondorgel, mellotron, handsama piano, 12-strengs akustisk gitar, korvokal,
- Phil Collins – trommer, korvokal, perkusjon
Kjelder
endre- Denne artikkelen bygger på «Supper's Ready» frå Wikipedia på engelsk, den 24. september 2012.
- Wikipedia på engelsk oppgav desse kjeldene:
- ↑ Peter Gabriel i radiointervjuet i programmet «Rockline», 92.3FM KROCK, NYC, 6/16/86.
- ↑ Smith, Bradley (1997). Billboard Guide to Progressive Music (First printing utg.). Billboard Books. s. 81. ISBN 0-8230-7665-2.