Sur i Oman
Sur (arabisk صور) er ein by og det administrative senteret i Ash Sharqiyah Sør guvernement, nordaust i Oman, ved kysten av Omanbukta. Han ligg 150 km søraust for den omanske hovudstaden Muscat. Byen har litt over 70 000 innbyggjarar.
| Sur | |||
| by | |||
.jpg) | |||
| Land |  Oman
| ||
|---|---|---|---|
| Guvernement | Ash Sharqiyah Sør guvernement | ||
| Koordinatar | 22°34′0″N 59°31′44″E / 22.56667°N 59.52889°E | ||
| Folketal | 71 152 | ||
| Tidssone | Oman standardtid (UTC+4) | ||
 Sur i Oman 22°34′00″N 59°31′44″E / 22.566666666667°N 59.528888888889°E | |||
  Kart som viser Sur i Oman.
| |||
| Wikimedia Commons: Sur, Oman | |||
Av nærliggande landsbyar finn ein Dughmur.
Historie
endrePå 500-talet var Sur alt eit handelssenter og dreiv handel med Aust-Afrika. På 1500-talet var han under portugisisk styre, men vart frigjort av den omanske imamen Nasir ibn Murshid og gjennomgjekk ein økonomisk oppgang som handelssenter med India og Aust-Afrika. Dette heldt fram til midten av 1800-talet, då britane avskaffa slavehandel. Det gjekk òg dårlegare for byen etter Suezkanalen opna, og mykje av handelen med India forsvann.
Skipsbygging
endreSur var ein av dei mest kjende byane i Persiabukta for bygging av trebåtar. Det er bygd mange skip i denne byen, som sambuk og ghanjah.[1] Desse reiste så langt som til Kina, India, Zanzibar, Irak og mange andre land. Fartøya vart òg nytta til perlefiske.
Byen har framleis eit godt rykte som ein stor dhow-byggjar.
Klima
endreSur har eit heitt ørkenklima med særs lite regn og høge temperaturar. På grunn av plasseringa ved kysten, vert nattetemperaturane aldri låge. Ein har ingen markerte årstider, men mars har ein tendens til å vere den våtaste månaden, og september den tørraste.
Stundom vert Sur råka av syklonar. I 2007 råka syklonen Gonu byen og i 2010 vart han råka av syklonen Phet.
| Vêrdata for Sur i Oman | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Høgast målte °C | 33,4 | 37,4 | 42 | 44,2 | 48 | 49,8 | 48 | 47,2 | 44 | 42,5 | 36,8 | 34,6 | 49,8 |
| Gjennomsnittleg maks °C | 26,3 | 28,4 | 31,7 | 36,5 | 41,3 | 41,7 | 40,5 | 38,9 | 38,4 | 35,7 | 31,1 | 27,7 | 34,8 |
| Døgnmiddeltemperatur °C | 21,7 | 22,5 | 25,5 | 29,9 | 33,4 | 34,1 | 33,2 | 31,1 | 30,8 | 29,2 | 25,3 | 22,7 | 28,3 |
| Gjennomsnittleg min °C | 17,7 | 18,9 | 21,7 | 25,7 | 29,8 | 30,7 | 29,5 | 27,8 | 26,9 | 25 | 21,3 | 18,8 | 24,5 |
| Lågast målte °C | 7 | 8,8 | 9,6 | 17,5 | 22,5 | 16,8 | 17,2 | 16 | 15 | 14,2 | 9 | 8,8 | 7 |
| Gjennomsnittleg nedbør mm | 11 | 9,8 | 17,2 | 7,7 | 1,7 | 13,4 | 3,2 | 2,5 | 0 | 1,7 | 3,3 | 10,9 | 82,4 |
| Gns. luftfukt (%) | 69 | 70 | 63 | 56 | 53 | 56 | 59 | 65 | 63 | 60 | 66 | 69 | 62 |
| Kjelde: World Meteorological Organisation (UN)[2]NOAA (extremes, mean, fukt, 1977-1990) [3] | |||||||||||||
Kjelder
endre- Denne artikkelen bygger på «Sur, Oman» frå Wikipedia på engelsk, den 5. juni 2016.
- ↑ The Traditional Dhow, arkivert frå originalen 25. juli 2012, henta 5. juni 2016
- ↑ «World Weather Information Service - Sur». October 2011. Henta January 15, 2013.
- ↑ «Sur Climate Normals 1977-1990». National Oceanic and Atmospheric Administration. Henta January 15, 2013.