Susendal kyrkje

	Susendal kyrkje
	kyrkje
Kyrkjesamfunn	Den norske kyrkja
Bispedøme	Sør-Hålogaland
Prosti	Indre Helgeland
Sokn	Hattfjelldal
Fellesråd	Hattfjelldal
Teknikk	tømra
Material	tre
Innvigd	19. søndag etter pinse, 13.10.2001
Kyrkjegard	ved kyrkja
Altartavle	Karl Erik Harr (2002)
	; Susendal kyrkje; 65°23′49″N 14°00′42″E / 65.397°N 14.0116°E
	Wikimedia Commons: Susendal kirke

Susendal kyrkje er ei tømra langkyrkje i Susendalen i Hattfjelldal sokn i Indre Helgeland prosti.

Kyrkja er bygd på dugnad av bygdefolket i Susendalen, hjelp frå næringslivet og kommunen i Hattfjelldalen. Det stod eit gammalt kapell i Susendalen, dette vart bygd i 1916, men då biskop Øystein I. Larsen var på visitas i 1998, var kapellet så forfalle at det vart semje om å avvigsle kapellet og bere ut kyrkjesølvet.

I 2001 kom biskopen attende for å vigsle den nye kyrkja. Men arbeidet med å gjere kyrkja ferdig heldt fram i tida som følgde; i mars året etter vart altertavla vigsla, sidan vart det sett inn benkar.

Susendal kyrkje er ei av fleire kyrkjer i Hattfjelldal sokn. Hattfjelldal kyrkje er hovudkyrkja, elles er det òg gudstenester i Varntresk kyrkje.

Altartavla

Altertavla er eit triptykon, sett saman av tre bilete, måla av Karl Erik Harr:

Biletet til venstre er såmannen, eit motiv knytt til Jesu likning om forkynninga av Guds ord og med ein parallell i jordbruket, hovudnæringa i Susendalen.
Hovudmotivet viser Jesu fødsel i Betlehem.
Biletet til høgre viser ei kvinne som held fram avlinga som er resultatet av arbeidet til såmannen.

Den gamle kyrkja i Susendalen står enno, knapt 100 m frå nykyrkja

Kjelder

Bakgrunnsstoff

«Susendal kyrkje». Kirkesøk. Den norske kyrkja.
Den norske kyrkja i Hattfjelldal
Susendal kyrkje i kulturminnesok.no, nettstaden til Riksantikvaren