Sveinung Bjørnsson Lofthus
norsk politikar
Sveinung Bjørnsson Lofthus (5. november 1820–8. februar 1888) var ein lensmann, gardbrukar og stortingsmann frå Vinje i Telemark.
| Sveinung Bjørnsson Lofthus | |
| Statsborgarskap | Noreg |
| Fødd | 5. november 1820 |
| Død |
8. februar 1888 (67 år) |
| Yrke | politikar |
| Språk | norsk |
Far hans var husmann i Vinje. Sjølv gjekk han Kviteseid lærarskule og var skulehaldar i heimbygda 2-3 år. Frå 1842 til 1874 var han lensmann i Vinje og gardbrukar på Lofthus. Han var medlem av heradsstyret i mange år, ordførar 1874-80.
Lofthus representerte Bratsbergs amt på Stortinget 1859-60, 1862-63, omframstortinget og 1865-66. Heile tida var han medlem av justiskomite nr 1. Ved fleire stortingsval var han 1. eller 2. varamann. I 1864 var han medlem av den kongelege militærkommisjonen.
Han døydde på garden sin i Vinje i 1888.
Kjelde endre
- Lindstøl, Tallak:Stortinget og Statsraadet 1814-1914. Kristiania, 1914