Sveinung Stensland
Sveinung Stensland (fødd 6. november 1972) er ein norsk farmasøyt og politikar frå Haugesund. Han har sidan 2013 vore stortingsrepresentant frå Rogaland for partiet Høgre.
| Sveinung Stensland | |||
 | |||
| Fødd | 6. november 1972 (51 år) Haugesund kommune | ||
|---|---|---|---|
| Statsborgar av | Noreg | ||
| Parti | Høgre | ||
| Yrke | politikar, farmasøyt | ||
| Utdanna ved | Universitetet i Oslo | ||
| Far | Karl Johan Stensland | ||
| Alle verv |
| ||
Stensland er utdanna cand.pharm. ved Universitetet i Oslo. Frå 2000 til 2011 var han regioneleiar i firmaet Apotek 1. Perioden 2007-13 var han så vel kommunestyremedlem i Haugesund, som fylkestingsrepresentant i Rogaland. I fylkestinget sat han 2011-13 som leiar av administrasjonsutvalet.
I 2013 vart Stensland vald til vararepresentant til Stortinget. Han møtte heile tingperioden 2013-17 i staden for statsråd Bent Høie. Frå 2017 hadde Stensland fast sete i Stortinget, attvald i 2021. Alle sesjonane i tida 2013-21 var han med i Helse- og omsorgskomitéen, dei siste fire som nestleiar.