Bent Høie

Bent Høie (fødd 4. mai 1971 i Randaberg) er ein norsk politikar frå Høgre og helseminister i regjeringa Solberg. Han har sete på Stortinget for Rogaland sidan 2000, og har vore vald inn fast sidan 2001. Han er leiar i Stortingets helse- og omsorgskomité frå 2009. Høie har vore medlem av arbeidsutvalet til Høgre sidan 2008, og er 2. nestleiar sidan 2010.

Bent Høie
Bent Høie Foto: Jarle Vines
Fødd	4. mai 1971 (51 år) Randaberg
Statsborgar av	Noreg
Parti	Høgre
Yrke	politikar, funksjonær
Utdanna ved	Norsk hotellhøgskole
Ektefelle	Dag Terje Klarp Solvang
Sambuar	Dag Terje Klarp Solvang
Medlem	Europarådets parlamentarikerforsamling
Verv	Norsk helse- og omsorgsminister 16. oktober 2013–
Føregangar	Jonas Gahr Støre
Verv	2. nestleiar i Høgre 9. mai 2010–
Føregangar	Erling Lae
Verv	Stortingsrepresentant 8. april 2000–

Bakgrunn

Høie er son av supervisor Kurt Høie (1942–) og Solveig Vistnes (1943–), og voks opp i Randaberg nord for Stavanger. Bent Høie gjekk fyrst på grunnskule i Randaberg 1978–1987, og vidare ved handel- og kontorlinja ved Randaberg VGS 1987–1990. Deretter gjekk han eit toårig studium i hotelladministrasjon ved Norsk Hotellhøgskole 1991–1993, og han har dessutan grunnfag i rettsvitskap frå Universitetet i Bergen frå 1991. Høie hadde diverse jobbar ved Sola Strand Hotell 1990–1994. Han var styreleiar i stiftinga Dysleksiforskning 2000–2006.

Politisk arbeid

Høie kom tidleg inn i politikken, fyrst som leiar i Rogaland Unge Høgre 1990–1992. Medlem av Rogaland fylkesting 1991–1999, Randaberg kommunestyre 1991–1995, Stavanger bystyre 1999–2003, og Rogaland fylkesutval 1999–2000. Sentralstyremedlem i Unge Høyre 1993–1995, og politisk rådgjevar for Stavanger Høgres bystyregruppe 1995–1999. Ved stortingsvalet 1993 og kommunestyre- og fylkestingsvalet 1995 var han valkampsekretær for Rogaland Høgre, og var 3. vararepresentant til Stortinget 1993–1997. Nestleiar i Rogaland Høgre 1997–1999, og 1. vararepresentant til Stortinget frå 1997. Leiar i Stavanger Høgre 2000–2002.

8. april 2000 døydde stortingsrepresentant Jan Johnsen, og Høie rykte då opp som fast møtande representant. I 2001 vart han vald inn som representant nr. 1 frå Rogaland, og tok plass i Stortingets sosialkomité. Han var seinare medlem i Stortingets kommunal- og forvaltingskomité 2005–2009, og har vore leiar i Stortingets helse- og omsorgskomité sidan 2009.

Stortingskomitear

• 2001–2001: Varamedlem i Valkomiteen
• 2000–2001: Medlem i Energi- og miljøkomiteen
• 2001–2005: Medlem i Sosialkomiteen
• 2001–2005: Medlem i Valkomiteen
• 2009–2013: Leiar i Helse- og omsorgskomiteen
• 2009–2013: Varamedlem i Valkomiteen
• 2009–2013: Medlem i Kommunal- og forvaltingskomiteen
• 2009–2013: Medlem i Valkomiteen

Bakgrunnsstoff

• «Bent Høie». Stortinget.no. 

• Bent Høie Arkivert 2010-01-14 ved Wayback Machine. hos Høyre
• Bent Høie hos TV 2
• Bent Høies blogg Arkivert 2010-09-26 ved Wayback Machine.