Tabungrotta
Tabungrotta er ei grotte i Nahal Me'arot naturreservat i Israel ved Karmelberget. Grotta var busett i periodar i eldre steinalder (500 000 til kring 40 000 år sidan). I løpe tav denne perioden samla det seg avleiringar av sand og leire opp til 25 meter i grotta. Utgravingar indikerer at ho er ein av dei mest langvarige menneskelege busetjingane i Levanten.
| Tabungrotta | |||
| grotte | |||
.jpg) Tabungrotta
| |||
| Land |  Israel
| ||
|---|---|---|---|
| Del av | Nahal Me'arot Nature Reserve | ||
| Koordinatar | 32°40′13.80″N 34°57′55.80″E / 32.6705000°N 34.9655000°E | ||
 Tabungrotta 32°40′14″N 34°57′56″E / 32.6705°N 34.9655°E | |||
  Kart som viser Tabungrotta.
| |||
| Wikimedia Commons: Tabun Cave | |||
Dei tidlegase og nedste avleiringane i grotta inneheld store mengder sjøsand. Dette og spor av pollen indikerer eit relativt varmare klima på den tida. Dei smeltane isbreane som dekte det meste av jorda fekk havnivået til å stige og kysten av Middelhavet til å trekkje seg inn over land. Kystsletta var smalare enn ho er i dag, og var dekt med savannevegetasjon. Dei som budde i grotta nytta handøkser av flint eller kalkstein ti å drepe dyr (gasellar, flodhestar, nashorn og ville kyr som levde på kystsletta) og til å grave opp planterøter. Etter kvart som reiskapane betra seg over tid, vart handøksene mindre og betre forma og skraper laga av tykke flak av flint, var truleg nytta til å skrape mat av bein og handsame dyreskinn.
Dei øvre nivåa av Tabungrotta bestor hovusakleg av leire og silt, og indikerer eit kaldare, meir fuktig klima. Materiala funnen i denne delen av grotta er frå Moustérienkulturen (kring 200 000 - 45 000 år sidan). Små flintreiskap av tynne flak dominerer desse nivåa.
Det er funne leivningane av ei neandertalarkvinne i Tabungrotta, datert til kring 120 000 år sidan. Det er eit av dei eldste menneskeskjeletta som er funne i Israel.[1]
Kjelder
endre- Denne artikkelen bygger på «Tabun Cave» frå Wikipedia på engelsk, den 3. oktober 2014.
- Wikipedia på engelsk oppgav desse kjeldene:
- ↑ Coppa, A; Grün, R; Stringer, C; Eggins, S; Vargiu, R. (September 2005). «Newly recognized pleistocen human teeth from Tabun Cave, Israel». Journal of Human Evolution 49 (3): 301–15. ISSN 0047-2484. PMID 15964608. doi:10.1016/j.jhevol.2005.04.005.