Tafilah

At-Tafilah (arabisk الطفيلة), òg skrive Tafila, er ein by sør i Jordan, 183 km sørvest for Amman, med kring 39 000 innbyggjarar. Han er hovudstaden i Tafilah guvernement og er kjend for dei grøne hagane sine med oliven- og fikentre, og vindruer. Tafilah vart grunnlagd av edomittane, som kalla byen Tophel.

Tafilah
مدينة الطفيلة, Tafila, Tophel
by
Land	Jordan
Guvernement	Tafilah guvernement
Høgd	940 moh.
Koordinatar	30°50′24″N 35°36′0″E
Areal	18,518 km²
•  storbyområde	38,771 km²
Folketal	38 428  (2009)
- storby	110 000
Folketettleik	2 075 / km²
Grunnlagd	1100 fvt.
•  kommune sidan	1914
Retningsnummer	+(962)3
Tafilah 30.8375°N 35.604444444444°E / 30.8375; 35.604444444444
Kart som viser Tafilah. Kart som viser Tafilah.
Wikimedia Commons: Tafilah
Nettstad: http://www.tafila.jo

Det finst meir enn 360 naturlege kjelder i at-Tafilah-området. Det ligg to fosfat- og sementgruver i at-Tafilah.

Historie

I 1984 oppdaga ei gruppe arkeologar frå University of Arizona steinreiskap dei estiemrte var 90 000 år gamle i grotter i Ain Defla og Hessa.

Den eldste kjende sivilisasjonen ein kjenner til ved Tafilah var Edom, og Tafilah ligg i ruinane etter den edomittiske byen Tophel. Hovudstaden i Edom var Busairah som ligg 23 km sør for Tafilah. Edomittane var ofte allierte med nabolandet Moab. Tafilah vart sidan erobra av nabatearane som hadde hovudstaden sin i Petra. Etter den romerske invasjonen, vart han styrt av ghassanidane, under Romarriket.

Tafilah kom så under muslimsk styre, men var ei kort stund styrt av krossfarar.

Den 25. januar 1918 øydela arabarar og dei allierte styrkane under arabaropprøret, leia av T.E. Lawrence og prins Zeid bin Hussein ein 900 mann stor, tyrkisk styrke nær Tafilah, som Lawrence skreiv om i Seven Pillars of Wisdom som «Tafileh».

Sjå òg

• Dana biosfærereservat
• Tophel

Kjelder

• Denne artikkelen bygger på «Tafilah» frå Wikipedia på engelsk, den 7. oktober 2015.
  • Wikipedia på engelsk oppgav desse kjeldene: