Tatiana Grigorieva

Tatiana Grigorieva (fødd 8. oktober 1975) er ein russisk-australsk tidlegare friidrettsutøver som utmerkte seg i stavhopp. Ho vann OL-sølv i 2000 og VM-bronse i 1999.

Tatiana Grigorieva
Statsborgarskap	Australia
Fødd	8. oktober 1975 (49 år) St. Petersburg
Idrett	friidrett
Tok del i	Sommar-OL 2000, Samveldeleikane 2002, Samveldeleikane 2006
Utmerkingar	Athletics Australia Hall of Fame

Aktiv

Grigorieva vart fødd i Leningrad. I 1997 utvandra ho til Australia og byrja med stavhopp. Sommaren 1999 sette ho landsrekord ved å gå over 4,50 meter i Salamanca i Spania. Nokre veker seinare tok ho bronsemedaljen i øvinga ved VM i Sevilla. Under dei olympiske leikane på heimebane i Sydney hausten 2000 forbetra ho seg til 4,55 m og sikra seg sølvmedaljen i tevlinga. I verdsmeisterskapen 2001 enda Grigorieva på fjerdeplass, jamhøgt med bronsemedaljøren Monika Pyrek. Få veker etter VM flytta ho den australske landsrekord til 4,56 m i Yokohama. Sommaren 2002 sigra Grigorieva i samveldeleikane med eit bestehopp på 4,35 m. Ho forbetra i 2006-sesongen sitt livsbeste i stavhopp til 4,58 m ved eit stemne i Daegu.

Medaljar og plasseringar i internasjonale meisterskap

• VM 1999 i Sevilla: Bronsemedalje – 4,45 m
• OL 2000 i Sydney: Sølvmedalje – 4,55 m, bakom Stacy Dragila (4,60 m)
• VM 2001 i Edmonton: Nr 4 – 4,55 m

Kjelder

• Denne artikkelen bygger på «Tatiana Grigorieva» frå Wikipedia på engelsk, den 7. juli 2022.