Taurusfjella
Taurusfjella (tyrkisk Toros Dağları) er ei fjellkjede sør i Tyrkia, som skil kystregionen ved Middelhavet sør i Tyrkia frå det sentrale Anatoliaplatået. Systemet strekkjer seg langs ei kurve frå Eğirdirsjøen i vest til dei øvre områda av Eufrat og Tigris i aust. Dei er ein del av Det alpide beltet i Eurasia.
| Taurusfjella Toros Dağları | |||
| fjellkjede | |||
 Demirkazık i provinsen Niğde
| |||
| Land |  Tyrkia
| ||
|---|---|---|---|
| Del av | Alpide belt | ||
| Høgd | 3 756 moh. | ||
 Taurusfjella 36°59′47″N 33°00′07″E / 36.9964°N 33.0019°E | |||
 Kart som viser Taurusfjella.
| |||
| Wikimedia Commons: Taurus Mountains | |||
Fjella har mange toppar over 3 000–3700 moh og kan delast inn i fire mindre fjellkjedar:[1]
- Beydaglarifjella, vest, høgaste fjellet er Kizlarsivrisi på 3086 moh.
- Aladaglarfjella, sentralt, høgaste fjellet er Demirkazik på 3756 moh.
- Bolkarfjella, søraust, høgaste fjellet er Medetsiz på 3524 moh.
- Munzurfjella, nordaust, høgaste fjellet er Akbaba på 3462 moh.
- Mercanfjella, innanfor Munzur
Det høgaste punktet i dei sentrale Taurusfjella er Demirkazık på 3756 moh.[1]
Historie
endreEin funnstad frå bronsealderen syner spor etter tinngruver ved Kestel.[2] Passet som i antikken vart kalla Dei kilikiske portane kryssar fjella nord for Tarsus. Under første verdskrigen vart det bygd eit tysk-tyrkisk jernbanesystem gjennom Taurusfjella, og dette vart eit viktig strategisk mål for dei allierte. Denne regionen vart spesifikt nemnd som eit strategisk kontrollert mål som skulle overgjevast til dei allierte i våpenkvilen som enda fiendskapen mot Det osmanske riket.[3]
Geografi
endreI Aladaglar- og Bolkarfjella har kalkstein erodert og danna karstiske landskap med fossar, undergrunnselvar og somme av dei større grottene i Asia. Manavgatelva spring ut frå sørsida av Beydaglarifjella.[4]
Turistmål
endreI tillegg til turgåing og fjellklatring,[1] er det to vintersportstader i fjella, ein ved Davras kring 25 km frå dei næraste to byane Egirdir og Isparta, og ein ved Saklıkent, 40 km frå byen Antalya.
Vardaviadukten, langs jernbanelinja mellom Konya og Adana ved landsbyen Hacıkırı i provinsen Adana, er ei 98 meter høg jernbanebru som vart bygd i 1910-åra av tyskarane.
Kjelder
endre- Denne artikkelen bygger på «Taurus Mountains» frå Wikipedia på engelsk, den 8. august 2012.
- Wikipedia på engelsk oppgav desse kjeldene:
- ↑ 1,0 1,1 1,2 "Mountaineering in Tyrkia" All About Tyrkia[daud lenkje]
- ↑ Yener, K.A. (2000) The Domestication of Metals: The Rise of Complex Metal Industries in Anatolia Brill, Leiden, ISBN 90-04-11864-0
- ↑ Price, Ward (16 December 1918) "Danger in Taurus Tunnels" New York Times
- ↑ «Manavgat River Water as a Limited but Alternative Water Resource for Domestic Use in Middle East» (PDF). Arkivert frå originalen (PDF) 27. februar 2008. Henta 8. august 2012.
Bakgrunnsstoff
endre- [1] Kart over Eurasia i Taurusfjella