Tehrik-i-Taliban Pakistan
Tehrik-i-Taliban Pakistan ('Taliban-rørsla i Pakistan'), ofte kjend som Pakistansk Taliban, er ei samanslutning av militante pakistanske islamistgrupper med base i Dei føderalt styrte stammeområda nordvest i Pakistan. Mange, men ikkje alle, pakistanske Taliban-grupper sluttar seg til TTP.[4] Gruppa har mellom anna som mål å kjempa mot den pakistanske staten og NATO-leidde styrkar i Afghanistan og innføra si tolking av sjaria.[5][6][7]
| Tehrik-i-Taliban Pakistan
nastaliq تحریک طالبان پاکستان | |||
 | |||
| Skipa | Desember 2007 | ||
|---|---|---|---|
| Hovudkontor | Konar, Afghanistan | ||
| Leiar | Mufti Noor Mehsud | ||
| Verkeområde | Dei føderalt styrte stammeområda, Khyber Pakhtunkhwa og andre stader i Pakistan Afghanistan Midt-Austen | ||
| Ideologi | Deobandi-fundamentalisme[1] Pasjtunvali[2] | ||
| Medlemmer | ca. 25 000 (2014)[3] | ||
Gruppa har utført fleire blodige åtak som er blitt møtt med internasjonalt sjokk og fordømming, til dømes då dei skaut skulejenta og aktivisten Malala Yousafzai og klassekameratar av henne i oktober 2012, eller då dei massakrerte over 100 barn ved ein skule i Peshawar i desember 2014.[8]
Tehrik-i-Taliban Pakistan er ikkje direkte knytt til afghansk Taliban. Gruppene har ulike opphav og interesser, og TTP er lausare organiserte enn Taliban. Dei har samstundes likskapar, som ein hovudsakleg pasjtunsk medlemskap og mange liknande mål.[7][9][10] Mellom anna kjempar ikkje afghansk Taliban mot den pakistanske staten.[9] TTP sine åtak mot skulebarn er også blitt kritiserte av afghansk Taliban.[11]
Historie
endreTTP blei skipa i 2002 då det pakistanske militæret gjennomførte streiftog i stammeområdene der de holdt til for å kjempa mot utanlandske militante som kom over grensa frå Afghanistan.[5][12] Mange lokale stammefolk oppfatta aksjonane som åtak mot deira sjølvstyre. Dei vende seg mot militæret, og det same gjorde utanlandske militante veteranar frå krigen i Afghanistan.[12][7] TTP-grupperinga stod også bak drap på mange stammeleiarar som var imot dei.[6]
I desember 2007 erklærte Tehrik-i-Taliban Pakistan seg offisielt som ei gruppe med Baitullah Mehsud som leiar.[6]
Grupperinga blei forboden av pakistanske styresmakter 25. august 2008. Bankkontoar og eigedelar blei frosne og dei mest framtredane medlemmane av TTP blei etterlyste med dusør.[13] 1. september 2010 klassifiserte USA TTP som ein terrororganisasjon. Dette gjorde det kriminelt å hjelpa eller handla med gruppa, og gjorde at USA kunne frysa midla deira.[14][15] I januar 2011 klassifiserte også Storbritannia gruppa som ein ulovleg terrororganisasjon.[16]
.jpg)
Ei gruppe militante islamistar leia av Maulana Fazlullah byrja terrorisera Swat-dalen i 2007, og tok etterkvart kontroll over store delar av området. Gruppa la ned strenge påbod og forbod, nytta vald og avrettingar, og var særskild ute etter å stenga og øydeleggja jenteskular.[17] Det var etter å ha blitt kjend for å gjera motstand mot dette at Malala Yousafzai seinare blei skoten i Mingora i Swat. Etter å ha hatt ei viss forståing i ei tid, gjekk hæren inn for å driva Taliban ut av området i 2009.[18]
Medan Tehrik-i-Taliban Pakistan har kjerneområdet sitt i stammeområde nordvest i Pakistan, har dei også gjort seg gjeldande i hamnebyen Karachi.[19] 9. juni 2014 angreip gruppa flyplassen i Karachi og tok kontroll over han. Flyplassen blei gjenerobra av pakistanske styrkar etter flere timars kamp. 15. juni 2014 byrja den pakistanske hæren ein offensiv, operasjon Zarb-e-Azb, mot militante opprørarar i Nord-Waziristan. I november same året byrja hæren også operasjonar i Khyber-distriktet.[8] 16. desember utførte TTP eit åtak på ein militærskule i Peshawar. Minst 141 menneske blei massakrerte. Åtaket skulle vera ei gjengjelding mot hæren sin offensiv.[8]
Leiarar og splitting
endreBaitullah Mehsud var rekna som leiar for grupperinga frå 2007 til han blei drepen i eit amerikansk droneåtak i august 2009. Etter indre strid, og nektingar for at Baitullah var død, blei Hakimullah Mehsud utropt til ny leiar.[20] Hakimullah blei drepen i november 2013, og Maulana Fazlullah tok over leiarskapen.[21]
I februar 2014 braut ei gruppe jihadistar leia av Maulana Umar Qasmi frå TTP for å skipa Ahrar-ul-Hind. Dette var ein protest mot at TTP forhandla med dei pakistanske styresmaktene.[22] I mai same året braut Mehsud-fraksjonen leia av Khalid Mehsud ut for å danna Tehrik-i-Taliban South Waziristan i protest mot metodar som kidnapping, utpressing og bombeåtak.[23] Andre grupper har også forlate paraplyorganisasjonen for å forfølgja eigne mål og ideologiar. I oktober 2014 forlét talspersonen Shahidullah Shahid og fleire leiarar TTP og svor i staden truskap til Den islamske staten Irak og Levanten.[24]
Kjelder
endre- ↑ Deobandi Islam: The Religion of the Taliban U. S. Navy Chaplain Corps, 15. oktober 2001
- ↑ «Why are Customary Pashtun Laws and Ethics Causes for Concern? | Center for Strategic and International Studies». Csis.org. 19. oktober 2010. Henta 18. august 2014.; «Understanding taliban through the prism of Pashtunwali code». CF2R. 30. november 2013. Henta 18. august 2014.
- ↑ Bennett-Jones, Owen (25.a pril 2014). «Pakistan army eyes Taliban talks with unease». BBC News. Henta 4. juli 2014.
- ↑ Yusufzai, Rahimullah (22 September 2008). «A Who's Who of the Insurgency in Pakistan's North-West Frontier Province: Part One – North and South Waziristan». Terrorism Monitor 6 (18). Henta 30. mars 2011.
- ↑ 5,0 5,1 Bajoria, Jayshree (6. februar 2008). «Pakistan's New Generation of Terrorists». Council on Foreign Relations. Henta 30. mars 2009.
- ↑ 6,0 6,1 6,2 Abbas, Hassan (January 2008). «A Profile of Tehrik-I-Taliban Pakistan» (PDF). CTC Sentinel (West Point, NY: Combating Terrorism Center) 1 (2): 1–4. Henta 8. november 2008.
- ↑ 7,0 7,1 7,2 Carlotta Gall, Ismail Khan, Pir Zubair Shah and Taimoor Shah (26. mars 2009). «Pakistani and Afghan Taliban Unify in Face of U.S. Influx». New York Times. Henta 27. mars 2009.
- ↑ 8,0 8,1 8,2 M Ilyas Khan, «Peshawar school attack: Backlash against Pakistan Taliban», BBC News (16. desember 2014)
- ↑ 9,0 9,1 Shane, Scott (22 October 2009). «Insurgents Share a Name, but Pursue Different Goals». The New York Times (The New York Times Company). Henta 26 January 2011.
- ↑ Siddiqa, Ayesha (2011). «Pakistan's Counterterrorism Strategy: Separating Friends from Enemies» (PDF). The Washington Quarterly 34 (1): 149–162. Henta 8. februar 2011.
- ↑ «Over 120 killed in attack on Peshawar school». tribune.com.pk. Henta 16. desember 2014.
- ↑ 12,0 12,1 Abbas, Zaffar. «Pakistan's undeclared war». BBC.
- ↑ Shahzad, Syed Saleem (26. august 2008). «Setback for Pakistan's terror drive». Asia Times. Henta 26. august 2008.
- ↑ «Designations of Tehrik-e Taliban Pakistan and Two Senior Leaders». US State Department. 1. september 2010. Henta 15 September 2010.
- ↑ Savage, Charlie (1. september 2010). «U.S. Adds Legal Pressure on Pakistani Taliban». The New York Times. Henta 1. mars 2011.
- ↑ «Britain Moves to Ban Pakistani Taliban». VOA News (Voice of America). 18 January 2011. Henta 8. februar 2011.
- ↑ «Aftermath of disaster and conflict: Army filling the void in Swat», Tribune (14. august 2011)
- ↑ Syed Shoaib Hasan, «Swat Taliban chief 'near death'», BBC News (10. juli 2009)
- ↑ «How the Taliban gripped Karachi», BBC News (21. mars2013)
- ↑ «Hakeemullah annnounced new leader – doubts linger». Dawn News. 23. august 2009. Henta 23. august 2009.
- ↑ Mujtaba, Haji (7. november 2013). «No more peace talks, 'Mullah Radio' tells Pakistan». Reuters. Henta 8. november 2013.
- ↑ Pakistani jihadists form Ahrar-ul-Hind, vow to continue attacks - Long War Journal, 11. februar 2014
- ↑ «Tehrik-i-Taliban Pakistan splits with major faction walking out». pakistannews.net. 28. mai 2014. Henta 28. mai 2014.
- ↑ «Pakistan Taliban sack spokesman Shahidullah Shahid for IS vow». BBC News. 21. oktober 2014. Henta 3. november 2014.
- Denne artikkelen bygger på «Tehrik-i-Taliban Pakistan» frå Wikipedia på engelsk, den 20. desember 2014.