Theodor Stousland

Theodor Stousland
	Theodor Stousland
Fødd	16. mars 1842
Død	7. april 1910 (68 år)
Statsborgar av	Noreg
Parti	Venstre
Yrke	politikar
Alle verv	stortingsrepresentant (1889–1891); vararepresentant til Stortinget (1883–1885); vararepresentant til Stortinget (1886–1888); stortingsrepresentant (1892–1894); stortingsrepresentant (1895–1897); stortingsrepresentant (1898–1900); vararepresentant til Stortinget (1900–1903); stortingsrepresentant (1903–1906); stortingsrepresentant (1906–1909); stortingsrepresentant (1910–1912) ;

Theodor Nilsson Stousland (16. mars 1842–7. april 1910) var ein norsk lærar, gardbrukar og stortingsmann frå Søgne i Vest-Agder. Han var medlem av Venstre.

Stousland var son til ein gardbrukar. Han var fyrst sjømann, deretter omgangsskulehaldar i heimbygda. Han gjekk ut frå Holt seminar i 1864 og vart året etter tilsett som kyrkjesongar i Tveit. Tre år seinare, 1868, kjøpte han garden Ryten og vart gardbrukar òg. Åra 1893-99 var han lensmann i Søgne, sidan statsrevisor med arbeidsstad Christiania.

Stousland var 1874-93 jamt medlem av heradsstyret, ordførar 1880-85. Han var kasserar i sparebanken 1875-93, medlem av forlikskommisjonen 1877-93 og amtsrevisor 1882-86.

Stousland representerte Lister og Mandals amt på Stortinget 1889-1900 og 1902-06, samt einmannskrinsen Oddernes 1906-10. Han var 1889-94 medlem av protokollkomiteen, 1895-1900 sekretær i same. Større delar av 1902 møtte han som 1. varamann, medlem av kyrkjekomiteen. Han heldt i fram i den komiteen då han i 1903 på ny fekk fast stortingsplass, formann 1904-05. 1905-10 medlem av protokollkomiteen, formann i 1909-sesjonen. Stortingsvalet for Oddernes i perioden 1910-12 vart underkjent og det måtte omval til. Stousland tok difor sete i tinget fyrst 28. februar 1910. Kort etter vart han sjuk og døydde i Kristiania.

Kjelde

Lindstøl, Tallak: Stortinget og Statsraadet 1814-1914. Kristiania, 1914