Thore Myrvang
Thore Embretsen Myrvang (21. januar 1858–9. juli 1938) var ein norsk lærar, gardbrukar og stortingsmann frå Tynset i Hedmark. I sine år på Stortinget representerte han Venstre fram til 1903, sidan Arbeiderdemokratene. Han var bror til Tore Aaen.
| Thore Myrvang | |||
 | |||
| Fødd | 21. januar 1858 Tynset kommune | ||
|---|---|---|---|
| Død | 9. juli 1939 (81 år) | ||
| Statsborgar av | Noreg | ||
| Parti | Venstre, Arbeiderdemokratene | ||
| Yrke | lærar, bonde, politikar | ||
| Alle verv |
| ||
Myrvang var son til ein gardbrukar i Tynset. Han vart seminarist frå Hamar i 1877, deretter var han lærar i Stor-Elvdal. År 1896 kjøpte han gard i Stor-Elvdal og var sidan gardbrukar òg. Han var medlem av heradsstyret i mange år, ordførar 1901-04.
Myrvang representerte Hedemarkens amt på Stortinget 1895-1906, heldt fram 1906-09 som representant for einmannskrinsen Søndre Hedemarken. 1895-97 var han medlem av næringskomite nr 2, 1898-1900 sekretær i same. Sekretær i Odelstinget 1898-1909, medlem av valkomiteen 1900-09. Frå 1900 var han også medlem av kyrkjekomiteen, 1905-09 sekretær i same.
Myrvang var landsstyremedlem av Arbeiderdemokratene og av landsforeininga for krinssjukekassene. Også medlem av ein departemental komite om valdgift i arbeidstvistar.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Thore Myrvang NSD Norsk senter for forskningsdatas politikararkiv