Torkild Halvorsen Aschehoug

Torkild Halvorsen Aschehoug (27. august 1756–26. oktober 1838) var ein prest og eidsvollsmann frå Ås.

Torkild Halvorsen Aschehoug
Statsborgarskap	Noreg
Fødd	27. august 1756 Ås kommune
Død	26. oktober 1838 (82 år)
Yrke	prest, politikar
Språk	norsk
Religion	Den evangelisk-lutherske kyrkja

Aschehoug var son av ein gardbrukar og lensmann i Ås i Follo. Han vart student 1774 og cand. theol. 1779. Deretter var han i tre år huslærar i Moss, før han i 1783 vart residerande kapellan i Rakkestad. I 1792 vart han sokneprest i same prestegjeldet, eit embete han hadde til han tok avskjed i 1835. 1805–1824 var han attåt prost i Borgesyssel.

Aschehoug var forlikskommissær i 27 år. Med eigne midlar oppretta han eit bibliotek for folket i Ås.

Aschehoug var med i det overordentlege storting i 1814. Han representerte då dei 14 prestegjelda av Smaalenenes amt som fienden Sverige hadde okkupert. På stortinget 1821 og det overordentlege storting 1822, var han begge år medlem av Lagtinget. Dermed vart han også medlem i riksretten 1821-22. Han var medlem av sju komitear, formann i komiteen om hittegods.

I 1812 vart han utnemnd til riddar av Dannebrogordenen for «sine opofrelser under krigen» 1808-09; ni år seinare vart han òg riddar av Nordstjerneordenen.

Han far til Halvor Torkildsen Aschehoug.

Kjelder

• Tallak Lindstøl: Stortinget og Statsraadet, B. 1 D. 1 : Biografier A-K, digital utgåve side 46

Bakgrunnsstoff

• Biografisk informasjon om Torkild Halvorsen Aschehoug NSD Norsk senter for forskningsdatas politikararkiv