Tsjerepovets

Tsjerepovets Череповец
Flyfoto av Tsjerepovets
Flagget til Tsjerepovets	Byvåpenet til Tsjerepovets
Plassering
Styresmakter
Land	Russland
Føderasjonssubjekt	Vologda oblast
Grunnlagd Bystatus	1777 1777
Borgarmeister	Oleg Kuvsjinnikov
Geografi
Flatevidd  - By	121 km²
Innbyggjarar  - Totalt (2007)    - folketettleik	307 800   2 543,8 /km²
Koordinatar	59°08′0″N 37°54′0″E
Høgd over havet	130 moh
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	162600–162627
Retningsnummer (tlf)	(+7)8202
Nettstad: www.cherinfo.ru

Tsjerepovets (russisk Черепове́ц) er den største byen i Vologda oblast i Russland. Han ligg ved breidda av Rybinsk-reservoaret i Volga, nær det sørlege endepunktet på Volga-Austersjø-kanalen. I 2007 hadde han nesten 310 000 innbyggjarar.

Historie

Rundt 1360 vart det oppretta eit kloster i åsane ved elva Sjeksna og landsbyen Fedosjevo voks fram rundt det. Historikarar ser denne landsbyen som hjartet i dagens Tsjerepovets. Byen fekk offisiell bystatus i 1777 etter ordre frå Katarina den store. Ved bygginga av Mariinskkanal-systemet vart Tsjerepovets, som ligg ved Volga, knytt til Austersjøen. Under den andre verdskrigen vart fleire store fangeleirar oppretta i området og rundt 30 000 menneske døydde i desse leirane.

Økonomi

Tsjerepovets er den viktigaste industribyen i regionen. Her er mellom anna jernverk, stålfabrikkar (til dømes Severstal), store skipsverft og kjemiske bedrifter. Kolbehovet til metallindustrien i byen vert dekt av gruver i Vorkuta og jernmalmen kjem frå gruver på Kolahalvøya. I tillegg er det sagbruk i byen, som handsamar tømmer frå skogane rundt byen. Byen vert betjent av Tsjerepovets lufthamn, som ligg 18 km nord for byen.

Utdanning

I Tsjerepovets ligg eit statleg universitet.

Bakgrunnsstoff

• Offisiell nettstad for Tsjerepovets Arkivert 2009-07-04 ved Wayback Machine.

Kjelder

• Denne artikkelen bygger på «Tsjerepovets» frå Wikipedia på bokmål, den 30. november 2008.