Tsvetanka Khristova

Tsvetanka Khristova (14. mars 1962–14. november 2008) var ein bulgarsk diskoskastar som vart verdsmeister i 1991 og europameister i 1982. Dessutan vann ho sølvmedaljar i diskosøvinga under EM 1986 og OL 1992, samt bronsemedaljar i VM 1987 og OL 1988. I 1993 vart ho dømd for doping.

Tsvetanka Khristova
Fødenamn	Цветанка Христова
Statsborgarskap	Bulgaria
Fødd	14. mars 1962 Kazanlak
Død	13. november 2008 (46 år) Kazanlak
Idrett	friidrett
Tok del i	Sommar-OL 2004, Sommar-OL 1992, Sommar-OL 1988

Aktiv

Khristova steig rett inn i verdseliten i diskoskasting. Berre 20 år gammal vann ho EM-gull under friidretts-EM 1982 i Aten med eit kast på 68,34 m. I den neste europameisterskapen, EM 1986 i Stuttgart tok ho sølvmedaljen, etter å ha slengd diskosen 69,52 m avgarde. Den 14. april 1987 sette Khristova bulgarsk rekord heime i Kasanlak; 73,22 m er framleis (2015) nasjonal diskosrekord for kvinner. Både frå VM i friidrett 1987 i Roma og frå dei olympiske leikane 1988 i Seoul kom ho heim med bronsemedaljar.

I 1991 vann Khristova gullmedaljen under verdsmeisterskapen i Tokyo, vinnarkastet målte 71,02 meter. Året etter fekk ho sølvmedaljen under sommarleikane i Barcelona, over to meter bakom Maritza Martén frå Cuba.

42 år gammal deltok Khristova i 2004 i dei olympiske leikane i Aten, og enda sist av dei som fekk godkjent kast i kvalifiseringa. Sidan arbeidde ho som trenar.

Khristova døydde av kreft på heimstaden Kasanlak i 2008, 46 år gammal.

Doping

Khristova vart i 1993 utestengd frå friidrettstevlingar av Det internasjonale friidrettsforbundet (IAAF) for brot på dopingvedteketene.

Medaljar og plasseringar i internasjonale meisterskap

• EM 1982 i Aten: Gullmedalje – 68,34 m, framom Marija Petkova (67,94 m)
• VM 1983 i Helsinki: Nr 4 – 65,62 m
• EM 1986 i Stuttgart: Sølvmedalje – 69,52 m, bakom Diana Sachse (71,36 m)
• VM 1987 i Roma: Bronsemedalje – 68,82 m, framom Ilke Wyludda (68,20 m)
• OL 1988 i Seoul: Bronsemedalje – 69,74 m, framom Svetla Mitkova (69,14 m)
• EM 1990 i Split: Nr 10 – 56,30 m
• VM 1991 i Tokyo: Gullmedalje – 71,02 m, framom Ilke Wyludda (69,12 m)
• OL 1992 i Barcelona: Sølvmedalje – 67,78 m, bakom Maritza Martén (70,06 m)
• VM 1997 i Aten: Utslått i kvalifiseringa (53,64 m =nr 23)
• OL 2004 i Aten: Utslått i kvalifiseringa (43,25 m =nr 41)

Kjelder

• Denne artikkelen bygger på «Tsvetanka Khristova» frå Wikipedia på engelsk, den 29. august 2015.

Bakgrunnsstoff

• «Tsvetanka Hristova» (på engelsk). olympedia.org. Henta 13. februar 2023.