Ulrik Arneberg

norsk politikar

Ulrik Fredrik Christian Arneberg (15. juni 182930. oktober 1911) var ein jurist, embetsmann og statsråd.

Ulrik Arneberg
Fødd15. juni 1829
Vanse
Død30. oktober 1911 (82 år)
Statsborgar avNoreg
PartiHøgre
Yrkepolitikar, jurist
Alle verv
  • stortingsrepresentant (1892–1894)
  • Norsk justisminister (1890–1891)
  • vararepresentant til Stortinget (1883–1885)
  • medlem av statsrådsavdelingen i Stockholm (1889–1890)
  • fylkesmann i Østfold (1891–1905)
  • fylkesmann i Telemark (1881–1889) Sjå dette på Wikidata

Arneberg var fødd i Vanse i Vest-Agder, der far hans var sokneprest. Etter å ha teke artium i 1846 var han huslærar i to år. Han studerte så teologi, der han avla andreeksamen, før han bestemte seg til i staden å studere jus. I 1852 avla han juridisk embetseksamen.

Arneberg var fyrst fullmektig hos byfuten i Kristiania. Då futen døydde i 1856 var han konstituert i embetet til 1858. Han var ei tid sakførar og referent ved stiftsoverretten, før han i 1861 vart høgsterettsadvokat. Frå 1866 var han assessor i Kristiania byrett og i 1872 justitiarius for same. Åra 1881-89 var Arneberg amtmann i Bratsbergs amt. Etter å ha vore statsråd, vart han i 1891 på ny amtmann, då i Smaalenene fram til 1905.

Arneberg var statsråd i Emil Stangs fyrste regjering, fyrst gjorde han teneste ved statsrådsavdelinga i Stockholm frå 1889 til 1890. Sidan 1. juli 1890 var han justisminister til regjeringa gjekk av i mars 1891. I perioden frå 1892 til 1894 var han stortingsrepresentant for valkrinsen Brevik og partiet Høgre. Han var medlem av vegkomiteen.

Arneberg vart utnemnd til riddar av St. Olavs Orden i 1880 og forfremja til kommandør av 1. klasse i 1891. Han var også innehavar av den svenske Nordstjerneordenen.

Kjelder endre