UNESCO
UNESCO (forkorting for United Nations Educational, Scientific and Cultural Organization) er SN sin organisasjon for utdanning, vitskap og kultur.
| UNESCO | |||
 | |||
 | |||
| Skipa | 16. november 1945 | ||
|---|---|---|---|
| Morselskap | Dei sameinte nasjonane[1] | ||
| Hovudkontor | Paris | ||
| Styreleiar | Audrey Azoulay (15. november 2017)[2] | ||
| Nettstad | https://en.unesco.org (engelsk), https://fr.unesco.org (fransk), https://es.unesco.org (spansk), https://ru.unesco.org (russisk), https://ar.unesco.org (arabisk), https://zh.unesco.org (kinesisk) | ||
Historie
endreUNESCO vart stifta 16. november 1945 og konstitusjonen hans vart sett i kraft 4. november 1946 etter ratifisering av følgjande 20 land: Brasil, Canada, Kina, Tsjekkoslovakia, Danmark, Den dominikanske republikken, Egypt, Frankrike, Hellas, India, Libanon, Mexico, New Zealand, Noreg, Saudi-Arabia, Sør-Afrika, Tyrkia, Storbritannia, USA og Austerrike.
Virkefelt
endreUNESCO verker innan felta utdanning, naturvitskap, sosial- og humanistiske vitskapar, kultur, kommunikasjon og informasjon. Organisasjonen arbeider for fred blant anna gjennom samarbeid, kommunikasjon og utveksling av idear mellom sine 190 medlemsland.
- 190 land har etablert nasjonale kommisjonar som inneheld representantar frå undervisning, vitskap og kultursamfunn.
- Omtrent 100 konsultative komitear, internasjonale kommisjonar og overnasjonale kontor har blitt oppretta for utføre spesielle oppgåver eller for refleksjonsformål.
- 6 000 UNESCO-klubbar, foreiningar eller sentre sett fram organisasjonen sine ideal og handlar på grasrotnivå.
- 6 700 utvalde skolar hjelper unge menneske å forme haldningar av toleranse og internasjonal forståing.
- 330 ikkje-statlege organisasjonar opprettheld «offisielle» relasjonar med UNESCO. Mange andre samarbeider på tilfeldig basis med ulike sektorar.
- Ei gruppe på 40 kjendisar – «goodwill»-ambassadørar – har gått med på å nytte sine talent og status for å hjelpe verda å fokusere på UNESCO sitt arbeid.
- Over 300 foretak og organisasjonar i forretningssamfunn, nye partnarar som er forbundi til måla av varig haldbar menneskeleg utvikling og sosialt ansvar, samarbeider med UNESCO over hele verda.
Verdsarv
endreUNESCO-konvensjonen om vern av verda si kultur- og naturarv av 1972 har som formål å sikre vern av kulturminnesmerke og naturområde som har stor betyding i verdsmålestokk.[3] 788 slike verneobjekt er hittil peika ut per juli 2004. I Noreg står Bryggen i Bergen (Tyskebryggen), Røros by, Urnes stavkyrkje, helleristingane i Alta og Vegaøyane i Nordland på lista over verdsarva.
Kjelder
endre- ↑ https://research.un.org/en/docs/unsystem/unesco; vitjingsdato: 27. november 2024.
- ↑ https://www.unesco.org/en/articles/unesco-director-general-audrey-azoulay-will-strengthen-cooperation-mexico; vitjingsdato: 27. november 2024.
- ↑ Centre, UNESCO World Heritage, «Convention Concerning the Protection of the World Cultural and Natural Heritage», UNESCO World Heritage Centre (på engelsk), henta 24. november 2022
- Denne artikkelen bygger på «UNESCO» frå Wikipedia på bokmål, den 1. februar 2005.