Us and Them

Us and Them Singel av Pink Floyd frå albumet The Dark Side of the Moon
B-side	Time
Språk	engelsk
Utgjeve	4. februar 1974
Innspelt	1. juni 1972 – 9. januar 1973
Studio	Abbey Road Studios
Sjanger	*Progressiv rock jazzfusion
Lengd	3:15 (singel) 7:51 (album)
Selskap	Harvest
Komponist	Richard Wright, Roger Waters
Tekstforfattar	Richard Wright
Låtskrivar(ar)	Richard Wright, Roger Waters
Produsent	Pink Floyd
Pink Floyd-kronologi
«Money» (1973)	Us and Them	«Have a Cigar» (1975)

«Us and Them» (Vi og dei) er ein song av det britiske bandet Pink Floyd på albumet deira The Dark Side of the Moon frå 1973. Songen er skriven av Richard Wright og Roger Waters, og er sungen av David Gilmour (med harmonivokal av Wright).

«Us and Them» vart gjeven ut som den andre singelen frå The Dark Side of the Moon i USA og nådde 72. plassen på Cash Box Top 100-lista i mars 1974. Singelen nådde òg 85. plassen på den kanadiske lista.

Komposisjon

Black and blue
And who knows which is which and who is who.
Up and down.
But in the end it's only round and round.

Roger Waters (1973)

«Us and Them» er ein forholdsvis roleg song. Det vert framført to saksofonsoloar i løpet av songen, ein i byrjinga og ein i den andre halvdelen av songen. I midten av songen er det eit mellomparti der Pink Floyd sin scenearbeidar «Roger the Hat» snakkar.

Songen skildrar at folk har ein tendens til å halde seg unna dei som er annleis i tilfelle som krig, politikk og sosiale klassar. I tillegg skildrar han kampen mellom ynska til borgarane og regjeringa deira, kampen mellom «oss og dei». Mange tilhengjarar av Pink Floyd meiner at songen er påverka at Waters sin far døydde i Andre verdskrig. Songen har ein sakte jazzstil, som ein ofte hadde på 1940-talet, og songen er eit slags tidssprang tilbake til kulturen i Storbritannia på 1940-talet, og starten på pasifismen.

Songen vart opphavleg laga av Wright i 1970 som eit pianostykke for filmen Zabriske Point, men då med namnet «The Violent Sequence».ref>Andy Mabbett (July 1995), «Us and Them», The complete guide to the music of Pink Floyd, ISBN 978-0-7119-4301-8 </ref>

Medverkande

• David Gilmour – elektrisk gitar, solovokal (vers og refrenget)
• Richard Wright – Hammondorgel, piano, harmonivokal (refrenget)
• Roger Waters – bassgitar, fuzzbass
• Nick Mason – trommer

Andre medverkande

• Dick Parry – tenorsaksofon
• Lesley Duncan – korvokal
• Doris Troy – korvokal
• Barry St. John – korvokal
• Liza Strike – korvokal

Stemmer

• «I mean, they're not gunna kill ya, so if you give 'em a quick short, sharp, shock, they don't do it again. Dig it? I mean he get off lightly, 'cos I would've given him a thrashing - I only hit him once! It was only a difference of right and wrong, innit. I mean good manners don't cost nothing do they, eh?» - Roger the Hat

Andre versjonar

• Konsertversjonar av songen vart gjeve ut på både P*U*L*S*E og Delicate Sound of Thunder. Begge desse versjonane er litt kortare enn studioversjonen, og har litt forskjellige saksofonsolar.
• Songen vart òg gjeve ut på samleplata Echoes: The Best of Pink Floyd.

Kjelder

• Denne artikkelen bygger på «Us and Them (song)» frå Wikipedia på engelsk, den 29. juni 2019.
  • Wikipedia på engelsk oppgav desse kjeldene:

Bakgrunnsstoff

• Melding frå AMG