VX-6

Air Development Squadron Six (VX-6 eller AIRDEVRON SIX, ofte omtalt med kallenamnet «puckered penguins» (dei rynkete pingvinane)) var ein flyskvadron i United States Navy basert ved McMurdo-basen i Antarktis. Skvadronen vart oppretta ved Naval Air Station Patuxent River i Maryland den 17. januar 1955 og oppdraget var å utføre oppdrag til støtte for Operasjon Deep Freeze, som var eit ledd i United States Antarctic Program.

Air Development Squadron Six
Land	USA
Aktiv	17. januar 1955–31. desember 1968
Grein	United States Navy
Type	Test og evaluering
Rolle	logistisk støtte
Del av	Naval Air Systems Command
Garnison/HK	Naval Air Station Quonset Point
Kallenamn	«puckered penguins»
Fargar	Halenummer XD (1955–1957) Halenummer JD (1957–1969)
Kommandørar	Øvstkommanderande CDR Edward M. Ward, 1955–57 CDR Vernon J. Coley, 1957–58 CAPT William H. Munson, 1959–61 CDR George R. Kelly, 1964 CDR F.S. Gallup, Jr, 1965 CDR Daniel Balish, 1967 CDR Arthur F. Schneider, 1968 Øvstkommanderande vinterstid CDR Gordon K. Ebbe, juni 1955–juni 1956 LCDR Charles J. McCarthy, Ellsworth-stasjonen, 1957–58 LCDR John K. Allison, 1959 LCDR Louis L. Helms, 1961 LCDR John A. Morton, 1964 LCDR William E. Shockley, 1966 LCDR David B. Eldridge, Jr., 1967
Luftfartøy nytta	Rekogniseringsfly: P2V-2 Neptune, DHC-3 Otter Transportfly: R4D Dakota, R5D Skymaster, LC-130 Hercules

Med halenummeret XD, flaug skvadronen mange fly og helikopter under oppdraga, og fleire av desse var pionerreiser. Til dømes vart den første flyruta mellom Antarktis og New Zealand oppretta av mannskap og fly frå VX-6 i 1955. Åre etter vart det skiutrusta R4D Dakota frå VX-6 det første flyet som landa ved Sørpolen. I 1961 vart den første medisinske naudevakueringa på vinteren gjennomført frå Byrd-stasjonen til Christchurch. I 1963 utførte eit LC-130F Hercules frå VX-6 den lengste flyturen i antarktisk historie. I 1967 fullførte eit LC-130F frå VX-6 den første planlagde vinterflyginga til Antarktis og landa ved Williams Field.

VX-6 fekk det nye halenummeret JD i 1957 og fekk det nye namnet Antarctic Development Squadron Six (VXE-6) den 1. januar 1969. I løpet av dei 14 åra skvadronen eksisterte, omkom 17 sjømenn og marinesoldatar frå VX-6 i Antarktis under oppdrag for Operation Deep Freeze.

Kjelder

• Denne artikkelen bygger på «VX-6» frå Wikipedia på engelsk, den 14. mars 2013.
  • Wikipedia på engelsk oppgav desse kjeldene:

Bakgrunnsstoff

• P2V-fly for Operasjon Deep Freeze av United States Navy skvadron VX-6